KABANATA 26
Paglabas ko ng kwarto, nadaanan ko ‘yung mga kabaong na naka-display. Maayos pa rin ang mga ito at nasa tamang pwesto. Panaginip nga lang talaga ang lahat dahil sa panaginip ko, ginulo ko at itinulak ang lahat ng mga ito.
“Kumusta ang first night mo?” nakangiting tanong sa ‘kin ni Kiko pagkalabas ko ng punerarya.
“Ayos lang. Buhay pa naman,” sagot ko at inabot ko sa kanya ‘yung susi at pagkatapos ay naglakad na ‘ko palapit sa bike na iniwan ko sa labas.
“Babalik ka pa naman mamaya ‘no?”
Matipid lang akong tumango at sumakay na sa bike. Habang pauwi ako pinag-iisipan ko kung papasok pa ba ako sa punerarya mamaya. Tutubuan ata ako ng sakit sa puso sa lugar na ‘yon. Unang gabi ko pa lang at hindi pa nga ako nakakakita ng patay o multo ro’n pero binangungot agad ako. Dagdag pa
