PLANO ni Adam na lumabas na ng restaurant matapos ang napanood. Ngunit hindi pa man siya nakaka dalawang hakbang ng marinig ang ilang mga komento ng mga taong nakapanood din sa interview kay Lara Revas. Lalo na ang sinasabi ng tatlong babaeng pinaka malapit sa kanya.
"Ang landi talaga ng babaeng 'yan! Hindi lang pala sa palabas nang-aagaw ng asawa. Pati sa tunay na buhay ay kinarer na niya ang pagiging kabit. Alam na niyang may asawa na at anak ay pinatulan parin? "Para namang mauubusan ng lalaki! Tsk..." komento ng isang Ginang.
"Oo, Mommy. Malandi talaga 'yang si Kristel. Kaklase ko 'yan noong high school sa Maynila. Ay nako, high school palang makati na talaga 'yan. Kung sinu-sino ang pinapatulan niyan at nagkakamot sa makati niya. Kaya hindi na ako magtataka kung isang araw lalabas
