NAGISING si Kristel sa tunog ng telepono. Wala sa sarili na pilit niya iyong inaabot. Sa inaantok niya paring diwa akala niya nasa sarili siyang kwarto at telepono niya ang tumutunog. Nang hindi niya makapa ang tumutunog na aparato ay pilit niyang iminulat ang mga mata. Ngunit bago pa man niya iyon mahawakan ay tumigil na iyon sa pag tunog.
"Salamat naman..." wala sa sarili niyang turan at bumalik sa pagpikit.
Bigla siyang natigilan.
Wala nga pala siya sa sariling kwarto. Lalong wala rin siya sa kwartong ginagamit niya sa mansion ni lolo Mando. Nandito nga pala siya sa suite ni Adam sa ABC resort. And speaking of Adam...
May naramdaman siyang humihinga sa ilalim ng katawan niya.
Si Adam! Sigaw ng utak niya.
Dahan-dahan niyang iminulat ang isang mata na para bang takot sa posibleng
