“DOMINIC!”
“Po!” maliksing tugon niya.
“Masipag ka pala, bata. Tuwing Sabado at Linggo, gusto mo dito? Hindi ako nawawalan ng cater. Mga katulad mo ang gusto kong kasama. Mabilis kumilos, hindi papatay-patay,” sabi sa kanya ni Ma’am Donna.
Umekstra siya bilang dishwasher sa caterer na rekomendasyon din sa kanya ni Jean. At kahit na nasa ospital ang tita niya kasama ang kanyang ina, hindi siya nag-atubili na magpakita kay Ma’am Donna, ang may-ari. Isinama siya agad nito sa isang kasalan para subukan.
“Tuwing Sabado at Linggo po?”
“Oo. Two hundred pesos kada event. Kapag natutuhan mong mag-waiter, puwede ka na rin mag-waiter. Pero dishwasher ka muna sa ngayon. May bitbit din kayong ulam pag-uwi ninyo.”
Sunod-sunod ang tango niya. Two hundred! Malaking bagay iyon. “Sige po, payag ako.
