“DOMINIC, hijo.” Nag-angat siya ng tingin kay Mayor Conrad na lumapit sa kanya.
Araw-araw ay dumadalaw ito sa kanyang ama na nakaratay sa ospital. Isang linggo nang walang malay ang kanyang ama habang ang alkalde ay walang kagalos-galos na nakaligtas sa aksidenteng iyon. Napuruhan ang ulo ni Doming. Agad-agad ay inopera ang ulo nito subalit hanggang sa ngayon ay wala pa rin itong malay.
Parang nakalutang si Dominic dahil sa nangyaring iyon. Pakiramdam niya ay tumanda siya ng sampung taon. Hindi niya halos alam kung ano ang unang iintindihin. Mabuti na lang at nakaalala sa kanya ang mismong mayor. Kung sa pera lang ay wala siyang problema. Sinagot nito ng lahat ng gastos.
Ang inay niya na bagong opera din ay walang kaalam-alam sa nangyari sa itay niya. Mga tiyo at tiya na niya ang nagsab
