Mayamaya pa’y agad na huminto ang kotse malapit sa tabi namin. Mabilis kaming pumasok sa loob ng sasakyan. Kahit hirap gumalaw si Tucson ay nagpilit itong pumasok sa loob ng sasakyan. Mabilis namang pinatakbo ni Kimelines ang kotse para makalayo rito sa lugar. Panay ang tingin ko sa likuran at baka may nakasunod sa amin.
“Dadalhin ka namin sa hospital,” anas ni Kimelines.
“Sa pantalan na tayo pumunta,” anas ng lalaki, habang nakangiwi ang mukha dahil sa tinamo nitong bugbog.
“Tucson, wala ka bang ibang sinabi sa mga gumulpi sa ‘yo?" tanong ko sa lalaki at nasa mukha ko ang pag-aalala.
“Wala akong ibang sinabi Cee, kaya nga galit na galit sila sa akin. Saka panay ang tanong nila kung mag-asawa ba talaga tayo. Sabi ko oo, hindi pa lang tayo kasal. Galit na galit sa akin ang lalaking
