ABALA si Gilbert sa pagpirma ng mga papeles na nasa harap ng kanyang mesa ng biglang bumukas ang pinto ng kanyang opisina. Iniluwa niyon ang isang babaeng napakataas ng takong at seksing-seksi ang damit. Dinig na dinig ang takatak ng takong nito sa marmol na sahig. Magalaw din ang imbay ng balakang nito habang naglalakad. Kasunod ng babae ang sekretarya niya.
"Sir Gil, pasensiya na po kung bigla siyang pumasok. Dire-diretso na po kasi siyang ----," naputol ang tangkang pagpapaliwanag ng sekretarya niya ng sumingit ang babae.
"Know what, you don't need to explain. Iwan mo na kami dito ng boss mo." Mataray nitong putol sa pagpapaliwanag ng sekretarya niya. Pagbaling nito sa kanya ay nakangiti na ito ng matamis.
Hindi tuminag ang sekretarya niya pero pagkatapos niya itong tanguan na ang i
