DUMATING ang mga sumunod na araw at ang mga sumunod pa. Isang linggo bago ang takdang araw ng kasal nila ay pumunta si Cali sa bahay nila Rupert dahil dinalhan niya ito ng paborito nitong ulam na niluto niya. Ang sabi ng mama nito ay nasa kwarto daw ito kasama ang isang kaibigan galing Manila. Umakyat siya sa ikalawang palapag sa bahay ng mga ito ng sabihin ng ginang na maari niyang puntahan ang nobyo. Magaan ang pakiramadm na tinungo niya ang kwarto nito. Ilang beses na din siyang nakapunta doon kaya alam na niya ang silid nito. Dahan-dahan niyang binuksan ang pinto ng kwarto ng binata. Napangiti siya ng malamang bukas iyon. Unang sumungaw ang ulo niya upang sumilip sa loob. Humakbang siya papasok habang hinahanap ang bulto ng binata. Hanggang huminto ang kanyang paningin sa malaking ka
