عنبر جنايات

عنبر جنايات النهارده يوم مش عادي. الدكتوره و اخيرا وافقه علي خطه البحث بتاعتي . بعد ما اخذت الماجستير الدكتوره بقى لها اكثر من سنتين معطلاني ومش راضيه توافق على الخطط اللي بقدمها علشان الدكتوراه لدرجه اني شكيت انها مستقصداني ومش عايزاني اخذ الدكتوراه خالص . بقى لي حرفيا سنتين بتحايل عليها واروح واجي على الكليه وما فيش اي فائده . والنهارده بس اخذت مني الخطه و قرتها بتمعن و كان واضح على وشها انها مبسوطه من اللي بتقرا وقالت لي . _ الدكتوره : و اخيرا يا سهام جيبالي خطه بحث محترمه ايوه كده تقدري تشتغلي في الموضوع ده كويس اووي و المحاور اللي انتي حطاها هايله جدااا انا : معقول يا دكتوره و اخيرا انا كنت قربت افقد الامل شكرااا جدا لحضرتك .. ده كله بعد توجيهاتك طبعا . _ الدكتَره : بصي يا سهام مجال الطب النفسي بتاعنا ده مجاله واسع وخطير ودقيق في نفس الوقت . لازم تبقي عارفه انت هتشتغلي على ايه بالضبط وتبقى محدده كل المحاور بكل تفاصيلها علشان ما يحصلش اي مشكله اثناء ممارستك وتحليلك لل البحث . _ انا : تمام يا دكتوره انا هاعمل كل اللي حضرتك بتقوليه لي طبعا بس كان عندي سؤال . _ الدكتوره : من اولها كده ها تسالي اسئله كثير ماشي . قوليي عايزه تعرفي ايه .؟؟ _ انا : زي ما حضرتك قراتي في الخطه ان عينه البحث بتاعي هي 5 سيدات محكوم عليهم بالاعدام و هاحاول . ادرس و احلل الظروف النفسبه اللي مروا بيها . وايه اللي خلاهم يعملوا الجريمة الب*عه دي . سؤالي هو ابدا منين بالضبط يا دكتوره يعني هل اروح السجن على طول ولا اعمل ايه لانى محتاره ومش عارفه ابدا منين. _ الدكتوره : مع انه سؤال ساذج جدا بس ها جاوبك عليه انت اول حاجه هتروحي لعميد الكليه . و تقدمي له خطه البحث بعد ما انا امضيها لك طبعا . وتختمها من السكرتاريه بره و هتاخدي جواب موجه لسجن النساء و تروحي تقولي لهم ان انت عايزه تقبلي مامور القسم . و بعدين تطلبي منه انه يطلع لك كل ملفات السيدات اللي محكوم عليهم بالاعدام و طبعا هتقري كل الملفات دي كويس قوي . و مافيش مانع انك تحطي ملاحظاتك على كل حاله و ايه خطتك للتعامل مع الحاله .مع اني اكيد هغير فيها وبعدين تعالي هنا نختار انا وانت الحالات اللي هتشتغلي عليهم فاهمه _ انا : تمام يا دكتوره . شكرا جدا لحضرتك . ممكن حضرتك تديني الجواب بقي . _ الدكتوره : ايه يا سهام هو انا اللي هاكتب الجواب و لا ايه اطلعي بره للسكرتاريه خليها تكتب لك الجواب وهاتيه ليا هنا علشان امضيه وبعدين هتاخديه و تحاولي تمضيه من العميد لو موجود فاهمه _ انا : حاضر...... حاضر يا دكتوره ( طلعت من مكتب الدكتوره و انا فرحانه انها وافقت و اخيرا علي الخطه و في نفس الوقت مضايقه جدا من اسلوبها. ديما بتتعامل معايا علي اني طالبه صغيره . و ناسيه اني اتعينت في الكليه معيده و كمان ساعات بحس انها بتتعمد تزعق لي قدام الطلبه علشان تهني . بس اعمل ايه انا مضطره اني ما بينش ابدا اني مضايقه منها او من اسلوبها علشان . هي اللي في اديها مصير رساله الدكتوراه بتاعتي . و ممكن توقف لي الرساله كلها و رحت للسكرتاربه بتاعه الدكتوره . و انا شايله هم لكها و حوارتها ) _ انا : هناء . انجزي ني بسرعه .. احسن انا ما صدقت . _ هناء : ايه .. الدكتوره مريم و افقت علي خطه البحث بتاعك و لا ايه . _ انا : ايوه . بعد طلوع الروح .علي يدك اهو الزل اللي زليتهو لي بس مش مهم الكلام ده دلوقتي . بصي يا ستي عوزاكي تمت لي حواب للعميد موجهه لسجن النسا علشان اقدر اروح ادرس الحالات اللي هناك. . _ هناء : و انتي ما لقتيش غير السجن اللي تدرسي فيه و تعملي بحثك هناك ده انتي حتي علي وش جواز ده يبقي فال و حش الصراحه . _انا : بقولك ايه انت شكلك عاوزه ترغي كتير علي الصبح و انا مستعجله .خلصي بسرعه الجواب علشان الحق اروح امضيه من العميد . و اطلع علي سجن النسا علطول . _ هناء : ضحكتيني و الله انت مفكره ان امضه العميد بسهوله كده . دهه الحواب ده لو اتمضي في اسبوع تبقي محظوظه جدا . _ انا : ارجوكي بلاش تحبطيني بقي _ هناء : و الله انا بقولك الحقيقه و عموما هتجربي بنفسك و هتشوفي. ده سكرتاربه العميد ده صعبه جدا َ روحي بقي اتعاملي معاها و انتي تعرفي قمتي بقي . _ انا : يا سلام ليه ه انا عمري ما روحت للعميد يعني . _ هناء : لا ما السكرتاريه بتتغير علطول و اللي موحوده دلوقتي صعبه اوي و شديده اووي . _ انا : شديده و لا مش شديده . انا مش هتجوزها خلصي انت بس .. علشان انتي اللي بجد هتشليني من كتر الرغي بتاعك ده _ هناء : كده برده . ماشي . ماشي يا سهام . انا رغايه ده انا اكتر واحده بساعدك في الكليه دي كلها تنكري ..... و ياما عملت معاكي بس عموما يالا اللي عند ربنا ما بيروحش. _ انا : يا ستي ارجوكي ..... انجزي و اكتبي الجواب....... ابوس اديك...... _ هناء : حاضر ما انا بكتبه اهو....... ( بعد ما طلعت روحي من الكلام . اخدت الجواب من هناء و طلعت علي الدكتوره مربم اخدت امضتها علي الجواب و رحت للسكرتاريه العميد و طبعا كنت متوقعه اني ها قعد هناك ب الساعات او ان السكرتيره اللي هناك . هتاخذ منى الجواب و تقول لي فوتي علينا كمان اسبوع زي ما هناء قالت لي . لكن والغريب انها طلعت ع** تماما كل الكلام اللي قالته عليها هناء البنت رحبت بيا جدا و اخذت الجواب و دخلت و بعد خمس دقائق بس طلعت بالجواب ممضي و مختوم من العميد . ما كنتش مصدقه نفسي خالص ان الجواا اتمضي بالسرعه و ال سهوله دي . كان نفسي اطلع على هناء و اقول لها ان انا اخدت ال جواب ممضي بالسرعه دي بس لاني متاخره ما رحتش بس قلت المره اللي الجايه لما اجي الكليه لازم اروح و اغيظ فيها و اقو لها انها هي اللي بتعطلني.. و انها ظلمت السكرتيره التانيه احسن لو عديت عليها يبقي اليوم خلص خلاص)