Chapter 34:
SABRINA
PAGKAPASOK ko pa lang ng bahay ay sinalubong na kaagad ako ni Mommy ng yakap.
"Mom," sabi ko.
Pagod na idinikit ko ang pisngi ko sa kaniya bilang pagbati, ngunit hindi ko na nasuklian ang yakap niya nang nahanap kaagad ng paningin ko si Daddy na nakaupo sa sofa. Tumayo siya nang mapatingin siya sa akin, hawak ang kopita na naglalaman ng wine ay ibinuka niya ang isang braso sa akin para bigyan ako ng isang yakap.
Parang gusto kong humabol sa sasakyan ni Damon at huwag na lang magpaiwan sa kaniya rito. Ilan beses niya akong tinanong kanina kung magiging ayos lang ba ako, kung komportable na ba ako o handa nang makaharap ulit ang mga magulang ko. Hindi ko itinago kay Damon na hindi ako sigurado, pero sinabi ko rin na sisikapin ko. After all ay nakasisiguro naman ako n
