أحفاد البارون

شخصيات روايتنا: البارون: هو جد الاحفاد اللي هنتكلم عن قصصهم وحياتهم وعلى اللي حصل معاهم، شخصية جدهم قوية وقاسية على الرغم انه يبان في بعض الاحيان حنين وبيخاف عليهم يبلغ من العمر 70 عاماً وصحته ليست على مايرام ولكن هذا لا يؤثر على طباعة القاسية تجاه احفاده وبالأخص حفيده الاكبر فهد البارون: الحفيد الاكبر للبارون، شخصيته صعبة جداً وقاسي وبيحاول طول الوقت انه يخبي اللي جواه ويبان ادام اللي حواليه الع**، وبيكره جده وشايفه طول الوقت انه عدوه وسبب العداوة دي هي ان جده كان رافض جواز ابوه من امه وكان السبب في طردهم من القصر وعاشوف في منزل آخر، فهد حالياً قاعد في القصر بس دا انتقاماً من جده، عنده اخت اسمها ملك وأخ اسمه جاسر بيحبهم جداً والاتنين عنده خط احمر ومستحيل حد يقرب منهم رجولية فهد ظاهرة في كل التصرفات، مزيج من القسوة والحنية، من الكراهية والحب، طويل وبشرته بيضا وعنيه بينة وشعره اسود وعنده لحية سوداء وزودت من وسامته اكتر، يبلغ من العمر 33 سنة وملقب بالفهد فهد اتخرج من كلية ادارة اعمل وعشان كدا هو المسؤل عن مجموعة شركات البارون ابوه وامه اتوفوا من عشرين سنة كان عمره في الوقت دا 13 سنة وكان لأخواته الاب والام والاخ الاكبر أدهم البارون:ابن عم الفهد والملقب بالأدهم وهو الحفيد الثاني للبارون وقريب جداً من الفهد يعني الاتنين واحد رغم ان الشخصيتين مختلفين في المعاملة، أحدهم قاسي القلب والآخر طيب القلب، عمره 32 سنة طويل وبشرته قمحية وعيونه سودا وشعره اسود يبان انه قاسي بس هو طيب واتخرج من كلية الهندسة والمسؤال عن الامور الهندسية في الشركة ويعتبر الذراع الايمن للفهد وعنده اخت اسمها هاجر وبالنسبة له هي الخط الاحمر ولا يسمح لأحد ان يقترب منها واللي يحاول بس يقرب منها يبقى حفر قبره بإيديه شريف: ابن عم الفهد والادهم، حفيد آخر للبارون ويعتبر هو الحفيد الثالث للبارون، جراح قلب واختار التخصص دا عشان امه اتوفت بسبب قلبها كان مريض، عمره 30 سنة وعنده اخت اسمها آيه واخ اسمه اسلام، شريف طويل القامة وبشرته بيضاء ولون عنيه عسلي فاتح وشعره بني، وطيب أوي وبيحب اخواته جداً أكمل: ابن عمتهم، واتسمى على اسم خاله اللي هو ابو الفهد، هادي جداُ ودايماً في حاله وليس لديه اي علاقة بالغير ودايماً الفهد والادهم شايفين ان شخصيته دي هتكون السبب الرئيسي في استغلاله بين الناس، عمره 28 سنة واتخرج من كلية الحقوق وهو المسؤول عن الشئون القانوينة في مجموعة شركات البارون طويل وبشرته بيضا ايضاً وشعره لونه بني وعنيه لونها بني غامق وعنده اخ اسمه آسر واخت اسمها سارة وبيحبهم جداً وأبوه اتوفى من خمس سنين واتنقل هو وأمه واخواته لقسر البارون يعيشوا فيه جاسر البارون: شخصيته قوية وعمره 25 سنة وباردوا بيعتبر جده عدوه وواخد منه موقف ذي اخوه الفهد ورغم ان وقت وفاة ابوه وامه كان سنه لسة صغير بس فهد زرع في قلبه كرهه لجده وحكاله عن اللي حصل زمان، وطويل وبشرته بيضا وقلبه طيب بس بيتظاهر بالع** واتخرج من كلية الحقوق وماسك شغل الشئون القانونية مع اكمل ابن عمته وهما قريبين من بعض نيجي بقى لأشقى شخصيتين وهما (آسر و إسلام): هما الاتنين اصغر احفاد البارون بالنسبة للشباب، عمرهم ذي بعض 23 سنة وفي آخر سنة في كلية تجارة وبيحبوا الهزار والضحك ودايماً في مشاكل مع الفهد والأدهم بسبب طيشهم وبيحبوا السهر والسفر والخروج، آسر طوله متوسط ومهتم بلعب الرياضة عشان لياقة جسمه، بشرته بيضا وشعره اسود ودايماً شكله حلو اما بالنسبة لإسلام فهو أطول من آسر وباردوا مهتم بالرياضة عشان شكله ولياقته وشعره بني غامق وبشرته بيضا ملك: هي أخت الفهد وجاسر والملقبة بإسم (بنت قلب الفهد) عمرها 22 سنة وفي اخر سنة في كلية حقوق، ومن صغرها كان فهد دايماً هو الاب والاخ وقدر يعوضها عن فقدان الاب والام بس مافيش اي حد يعوض الفقدان دا، ودلوعة الفهد بس دلعها في حدود الادب وبس ودايماً بتقوله كلمة (أبيه) رغم انه مش بيحب الكلمة دي وبيضايق أوي بس مش بيحب يزعلها، هي بنت طيبة ورقيقة وفهد حب يبعدها عن الكره والحقد وعشان كدا هي بتحب جدها اوي، قسيرة وبشرتها بيضا ذي اخواتها ولون عيونها اخضر غامق وشعرها اسود ولحد رقبتها هاجر: اخت الادهم والملقبة بإسم (قلب الادهم) وعمرها 22 سنة في نفس عمر ملك وفي كلية فنون جميلة وهي ايضاً خط احمر بالنسبة لأخوها وبيحبها ومش بيستحمل عليها اي حاجة، شخصيتها هادية وبشرتها قمحية ولون عنيها بني وشعرها اسور كيرلي لحد رقبتها سارة: اخت اكمل وسنها 22 في نفس عمر ملك وكمان معاها في نفس الكلية وبتحب الهزار والضحك واخدة طباع اخوها آسر في الشقاوة والهزار، طولها متوسط وبشرتها بيضا وشعرها باللون البني لحد نص ظهرها آيه: اخت شريف واسلام، وعمرها 20 سنة وفي كلية طب في سنة تانية يعني لسة خمس سنين وتتخرج، وشريف روحه فيها، طولها باردوا متوسط وبشرتها خمرية ولون عيونها عسلي وشعرها اسود وقصير لحد رقبتها ليل: ممرضة وبتشتغل في المستشفى اللي فيها شريف البارون واللي بتكون باردوا ملكهم لان ليهم اكتر من نص الاسهم، طيب اوي وعلى نياتها وبتحب كل الناس اللي حواليها وبتصلي رغم انها مش محجبة، قصيرة وبشرتها بيضا وشعرها اسود اوي وطويل لحد آخر ظهرها عمرها 25 سنة، مقيمة في القاهرة عشان شغلها وعندها صديقة قريبة اسمها تمارا ومعاها في السكن وهي محامية وبتشتغل في مكتب محاماه في الصباح في قصر البارون، الكل لسة نايم بس اللي صاحي هي عمتهم فريدة أم اكمل وهي انسانة طيبة جداً غير ابوها خالص وقلبها طيب ومش بتحب الظلم ولا القسوة، عمرها 44 سنة، هي من عادتها بتدخل المطبخ مع البنات اللي بتشتغل في القصر وبتطمن من البنت اللي موجودة اللي اسمها صباح اذا كان الفطار جهز ولا لأ، صباح طمنتها وقالتلها ان كل حاجة جاهزة، فريدة بتبص حواليها وملاحظة ان عطيات الست اللي بتشتغل مع صباح مش موجودة وصباح قالتلها انها بتخلص شغل بيتها وزمانها جايا، فريدة طلعت لأوض البنات تشوفهم صحيوا ولا لأ لكل واحدة في البنات ليها أوضة خاصة بيها بس امبارح كان اجازة وعشان كدا كانوا سهرانين في أوضة وكمان ناموا فيها، فريدة دخلت فتحت الستاير عشان النور يدخل والبنات تبطل **ل وتقوم، وملك مضايقة من النور وبتطلب منها تقفل الستاير تاني، وهاجر بتحط المخدة على وشها عشان تمنع النور عن عنيها، فريدة عارفة انهم بيخافوا من الفهد وعشان كدا قالتلهم انهم لو مش صحيوا دلوقتي هتعرفهم، والبنات اول ماسمعت اسم الفهد قاموا بسرعة من السراير وسارة بنتها بتقولها انه مش لازم كل اسبوع الخضة دي، بس ملك قالت ولا يهمها وهتكمل نوم وآيه ضحكت بتريقة وقالتلها ان ليها الحق تقول كدا ماهي بنت قلب الفهد ملك فعلت قررت انها تفضل نايمة بس سارة خبطتها بالمخدة وقالتلها انهم مش هينزلوا من غيرها، ملك ردت عليها بغضب وقالتلها ان مافيش محاضؤات يبقى خلاص ، البنات صمموا ان ملك تقوم معاهم وفي الآخر صحيت وكل واحدة فيهم دخلت اوضتها نيجي لأوضة أكمل صحي من نومه ودخل حمام أوضته وغسل وشه واتوضى وصلى ركعتين ولبس لبس رمسي يناسب الشغل (بدلة سودا وقميص تحتها بيضا واستشور شعره ولبس جذمته باللون الاسود ورش من البرفيوم الخاص به ونزل في أوضة شريف، دخل حمامه يغسل وشه واتوضى وصلى ركعتين ولبس قميص ابيض وبنطلون اسود وجزمة سودا واستشور شعره ورش من البرفيوم الخاص به واخد شنطته ونزل وبالنسبة للأشقية آسر واسلام في أوضة واحدة وفريدة دخلت تصحيهم وباردوا كانوا هيعا**وها عشان مايصحوش وعشان كدا حبت تخوفهم وتقولهم ان الفهد والادهم في الاوضة وهما في ثانية كانوا صحيوا مفزوعين وقاموا من السراير جري وبيخبطوا في بعض من الخوف، فريدة واقفة تضحك عليهم وهما اكتشفوا لعبة فريدة وواقفين هيتجننوا وفريدة قالتلهم يجهزوا وينزلوا، شريف اول مانزل طلب قهوته وكالعادة بيشربها قبل الفطار وفريدة مضايقة من كدا عشان خايفة عليها، شريف سأل عمته اذا كان ابوه صحي ولا لسة وهي قالتله انه لسة نايم هو وعمه، شريف سألها تاني عن الفهد والادهم بي هي ردت عليه وقالتله انهم بالخصوص استحالة حد اصلا يصحيهم ولا حد يقدر يقرب من الجناح اللي هما فيه، اكمل نزل وشافهم قوصبح عليهم وخرج الجنينة يشرب قهوته وبعد شوية امه خرجت ومعاها القهوة رغم انها باردوا مش بتحبه انه يشرب قهوة قبل الفطار وهو قالها انه وشريف متعودين يشربوا القهوة قبل الفطار، وسألها عن جاسر صحي ولا لا؟ وهي قالتله انه صحي بس لسة في اوضته وحبت ترخم عليه وقالتله انه مش جاسر بس اللي صحي، اكمل فاهم امه وعارف هي بتفكر في ايه وقالها ان مافيش فايدة فيها وانها مصممة على اللي هي بتفكر فيه، فريدة اتكلمت معاه بحنان الام وقالتله ان مافيش حد فاهمه غيرها، اكمل قام باس ايديها وقالها انه طالع لجاسر، اكمل طلع لجاسر بس كان بياخد دش في الحمام واكمل قعد على السرير يستناه واول ما جاسر خرج اتخض وبصله بغضب وقاله انه دايماً كدا بيخضه، واكمل اتكلم بتريقة وقاله انه عيل توت وجاسر خبطه بالفوطة وقاله يسكت احسن واكمل قاله انه يخلص عشان ينزلوا يفطروا، جاسر بيفتح دولابه عشان يخرج هدومه وفي نفس الوقت قال لأكمل انه من امتى بيقعد على سفرة جده قاعد عليها، بس اكمل قاله ان فهد اخوه بيقعد معاه على الفطار عادي، جاسر انفعل عليه وقاله انه غير فهد واستحالة يستحمل يشوف جده ادامه وهو كان السبب في موت ابوه وامه واذا كان الفهد نسي فهو مش هيقدر ينسى، واكمل محبش يضايقه وقاله انه هيستناه في البلكونة وجاسر حب يضايقه وسأله عن حد صحي ولا لا؟ اكمل بصلها بغضب واقسمله انه لو ماسكت هيضربه بس باردوا جاسر قاله انه باردوا مش عاوز يعترف بحبه؟ اكمل بصله وسابه وخرج البلكونة، جاسر خرج وراه وباردوا بيسألوا هو هيفضل كدا لحد امتى؟ واكمل قاله انهم بلاش يتكلموا في الموضوع دا بس جاسر مصِر على انه يتكلم وبيقوله انه بيحبها ولازم يعترف بحبه ليها بس اكمل قاله انها شايفاه اخوها وبس بس جاسر رد عليه وقاله انه السبب هو اه ابن عمته بس لازم يصارحه، هو السبب ان ملك تشوفه مجرد اخ (ملك هي حبيبة اكمل) وبيقوله انه حاسس ان اخته بتحبه، اكمل اتكلم بحزن وقاله انه جرحها اوي زمان ومش قادر يقربها منه تاني بس جاسر قاله انه جرحها زمان عشان كان شايفها مجرد طفلة ودا السبب اللي وصلهم لكدا، اكمل بيتكلم بحزن وبيقول انه كان السبب في بعد ملك عنه، ازاي بعد ما ملك كانت قريبة منه ودايما جمبه حتى لما كان بيقعد يخلص ورق تبع الشغل كانت بتيجي تقعد جمبه، ازاي قدر يبعدها عنه تحت مسمى انها مازالت طفلة؟ ليه قالها انه أخ ليها وانها تقوله أبيه وبس، جاسر زعلان عشان اكمل حزين ومش عارف يعمل ايه لا عارف يحنن قلب اخته ولا عارف حتى يقول لأكمل يتكلم معاها لان لو الفهد عرف هتحصل مشكلة، بعد شوية نزلوا سوا بس خرجوا على الشركة ومفطروش فريدة طلعت لجناح البارون وكان صاحي ودخلت تصبح عليه، وسألها اذا كان الكل صحي ولا لسة بس هي قالتله انهم صحيوا ماعدا الجناح الغربي، رد عليها بغضب وقالها ان دول طبعاً محدش بيعرف يقرب من جناحهم ولا حد يعرف يصحيهم، فريدة عارفة ان ابوها عصبي فإبتسمت وقالتله ان كل اللي في القصر عارفين خصوصية الجناح الغربي بالنسبة للفهد والأدهم وهما مش محتاجين حد يصحيهم لانهم حارصين جداً على شغلهم وانهم يصحوا في المعاد الصح، البارون سكت عشان عارف ان مهما اتكلم مافيش حاجة هتتغير وسألها عن ولاده عبدالعيزيز ومراد وفريدة قالتله ان كل واحد فيهم في اوضته ولسة ماتعرفش اذا كانوا صحيوا ولا لسة نيجي لعبدالعزيز دا يكون أبو شريف وايه وإسلام، زوجته إتوفت وعايش على ذكراها عمره 50 سنة ومراد أخوه يكون ابو الادهم وهاجر وعمره 52 سنة هو كمان عايش على ذكرى زوجته، بعد شوية مراد خبط ودخل لعبدالعزيز وبيصبح عليه ودايما متعود انه يقوله يازيزو، عبدالعزيز بيضحك وبيقوله ازاي راجل في السن دا يتقاله يازيزو ومراد رد عليه وقاله يعني لو مش هو اللي اتقاله كدا مين هيتقاله، عبدالعزيز قاله يقعد عشان يتكلموا لانهم مش فاهمين ليه فهد قرر ان في اجتماع النهاردة، مراد قاله انه حاول يفهم من الادهم بس للأسف معرفش يوصل لحاجة ونزلوا سوا تحت للفطار نيجي بقى للجناح الغربي كئيب جداً الوان الحيطان كلها سودا حتى فرش السراير اسود الحاجة الوحية اللي لونها فاتح في الجناح هي الانوار اللي موجودة بس، الجناح خط احمر للجميع واستحالة حد يعرف يقرب منه، فهد صحي ودخل الحمام اخد دش على السريع واتوضى وصلى ركعتين وادهم نفس الحكاية قام اخد دش سريع واتوضى وصلى ركعتين وكل واحد فيهم واقف بيجهز وبيرش من البرفيوم الخاص به، أدهم بيسأل فهد ياترى ايه هتكون ردة فعل جده لما يعرف باللي فهد ناوي يعمله؟ بس فهد اتكلم ببرود وقاله انه مايهموش كل دا ولا جده يفرق معاه، ادهم قاله انه عارف ومتأكد انه مش بيحب يتكلم عن جده بس هو في الاول وفي الاخر جده وبلاش الطريقة دي، فهد اتعصب وقاله بلاش يكون ساذج اوي كدا والطيبة اللي هو فيها دي اللي هدمره لازم يكون من غير قلب، ادهم اضايق ورد عليه انه عاوزه يكون ذيه قاسي، فهد ضربه بالبو** وقعه على الارض وادهم بصله بغضب وخرج وسابه، فهد زعل عشان لأول مرة يزعل الادهم وخصوصا ان الادهم مش مجرد ابن عمه وبس لا دا صاحب عمره وأخوه، فهد وقف يبص لصورته المعكوسة على المرايا امامه وبدأ يكلم نفسه بحزن وقال انه لازم يقسى عليه عشان مايفكرش يحب لان طيبة القلب دي هتكون هي السبب في الحب وفي نفس الوقت هتكون هي **رته ومش عاوزه يكون ذيه عشان وجع القلب مش هين، فهد خرج من الجناح ونزل قعد على السفرة جده قاعد على راس السفرة من جهة وهو من الجهة الاخرى، البارون بيبص للفهد وبيسأله عن سبب الاجتماع اللي هو محدده، فهد في اللحظة دي بص على ادهم اللي قاعد يفطر في هدوء وساعتها اتأكد ان الادهم فعلاً زعل منه، فهد بص لجده واتكلم ببرود وقاله انه هيعرف وقت الاجتماع، البارون اتكلم بغضب وقاله يعني هيكون آخر من يعلم؟ فهد قام بثقة وبص لجده ان اعمامه هيبلغوه باللي هيحصل، فهد بص لادهم وقاله يلا وقاموا خرجوا سوا، فهد وقف ادهم عند العربية وعاوز يتكلم معاه بس ادهم قاله بلاش كلام ويلا على الشركة، ركبوا نفس العربية والسواق اتحرك بيهم للشركة وطول الطريق مافيش اي كلام نهائي وبعد شوية مراد وعبدالعزيز خرجوا سوا للشركة وشريف راح على المستشفى ملك قعدت بعد الفطار في الجنينة وبتقرأ رواية ومنسجمة فيها، عمتها فريدة جايا عليها وشايفاها سرحانة في القراية ومبتسمة، فريدة قربت منها وقالتلها ان كلام الروايات مالوش علاقة بالواقع اللي عايشين فيه، ملك ضحكت وقالتلها ليه كدا تصدمها تسيبها تحلم بس فريدة قالتلها انها لازم تفهم ان كل اللي بنقرأه دا مش هو دا الواقع، لان الحياة مش كلها هتكون وردي ذي ما احنا عاوزين، ملك بصتلها وقالتلها ان عندها حق في كل كلمة قالتها، ملك سرحت في وقت ماكان عندها 15 سنة واكمل كان عنده 21 سنة يعني الفرق مابينهم ست سنين بس، ملك في الوقت دا كانت بتحكي عن حد بتحبه للبنات، بس سارة قالتلها انها عارفة انها بتحب اكمل، ملك اتفاجأت ان سارة عارفة ومش بس سارة دا هاحر وآيه كمان، آيه قالتلها ان حبها باين في عنيها وعشان كدا عرفوا هي بتحب مين، هاجر اتكلمت وقالت لملك انها اول مابتشوف اكمل وشها بيقلب مية لون، ملك اتبسمت وقالت انها بتحبه اوي بس هو مش حاسس بيها، في اللحظة دي اكمل كان طالع وسمع كلامهم لان باب الاوضة اللي هما فيه مفتوح ودخلهم ووقف ادام ملك وهي خافت ليكون سمعها، اكمل طلب من البنات انهم يخرجوا ويسيبوهم شوية وفعلا البنات خرجت واكمل وقف ادام ملك وبيسألها ايه الكلام اللي هي قالته دا؟ ملك كانت متوترة اوي وم**وفة وخايفة يكشفها ومعرفتش ترد وهو رجع سألها تاني بس بعصبية وهي باردوا خايفة ومش ردت عليه، اكمل قرب من وشها وقالها بقسوة انها تنسى اللي هي بتفكر فيه دا عشان دا اسمه لعب عيال وهي لسة طفلة فبلاش شغل الاطفال دا وتركز في دراستها على الاقل دي حاجة تنفعها، ملك رفعت وشها وبصتله ومصدومة من اللي سمعته منه وهو سابها ومشي والبنات دخلو ليها تاني وبيسألوها بفضول كان بيقولها ايه وهي بصتلهم بدموع وجريت على أوضتها ومن وقتها وهي قررت انها تفوق لدراستها وبس وبعدت عن اكمل خالص ملك فاقت من سرحانها على كلام عمتها وهي بتكلمها، وسألتها سرحت في ايه؟ ملك ردت عليها وقالت انها سرحت في كلامها وان فعلاً الواقع مش بيكون ذي ما احنا عاوزين ومش كل حاجة وردي في وردي، فريدة ماقدرتش تفهم اذا كانت ملك تقصد اكمل ابنها ولا لا ومحبتش ت**فها، ملك قامت وقالتلها انها هتطلع اوضتها على ما سارة تيجي، وهي سألتها هي نزلت ليه طالما مافيش جامعة النهاردة بس ملك قالتلها انها نزلت تشتري روايات وزمانها جايا نيجي للشركة، فهد مجتمع بيهم وبلغهم انه عنده شركة خاصة به ودي مش من دلوقتي لا دي من سنتين، وعمه مراد بيقوله ليه عمل كدا وهو عارف ان جده هيضايق بس جاسر رد وقال يولع، فهد بصوت عالي انفعل على اخوه وجاسر قام وساب الاجتماع وفهد طلب من اكمل انه يخرج وراه ومش يسيبه لوحده، وفعلا اكمل خرج ورا جاسر ومشيوا من الشركة، فهد قال لإعمامه اللي قاعدين انه خلاص اخد قرار ومش هيرجع فيه وعبدالعزيز قاله ليه يعمل كدا من غير علمهم؟ فهد قاله انه حابب يكون له شغل لوحده بس مراد قاله هما من امتى اصلا كل واحد فيهم بيشتغل لوحده؟ وفهد رد عليه بغضب وقاله من يوم ماجده مان السبب في موت ابوه وامه، ومراد قاله مش هو السبب بس فهد وقف واتعصب وقالهم انه هو السبب واستحالة يقبل بغير كدا، فهد خرج من اوضة الاجتماعات وادهم خرج ورا لانه عارف هو رايح فين ووقفه وسأله هو رايحلهم؟ فهد بصله ومشي الحلقة خلصت