أحفاد البارون

الحلقة التانية

فهد خرج من الشركة وركب العربية من غير السواق وراح للمقابر عند قبر أبوه وأمه، وغصب عنه دموعه نزلت وقاعد بيكلمهم كأنهم ادامه وبيقولهم انهم وحشوه أوي وانه مش عارف يكون كويس من بعدهم دايما قاسي على كل اللي حواليه مش قابل يتعامل مع اي حد غريب عنه طيبتي مختفية والقسوة هي بس اللي ظاهرة للناس وانه انسان عايش من غير روح لأن روحه راحت معاهم من يوم ما ماتوا ويوم مافكر انه يحب انجرح وندم ندم عمره انه سلم قلبه لإنسانة حقيرة ماتستاهلش حبه ولا قلبه، فهد ايام ما كان لسة في الجامعة اعجب ببنت واتشد ليها رغم انه كان من الصعب يتشد لحد بس هي بينتله اعجابها به وعشان كدا قربلها بس في الوقت دا كان شركة جده داخلة مناقصة قصاد منافس ليهم ومدة المناقصة سنة والكل يقدم ورقه، وفي خلال السنة دي البنت قربت من فهد اوي واتعلق بيها وحبها جداً وطبعا ياسلام لو قلب الفهد حب يبقى اللي حبه ملك الدنيا ومافيها، في يوم فهد خلص محاضراته ورايح ليها كالعادة بس حصلت حاجة صدمته انه سمعها وهي بتتكلم مع ابوها في التليفون وبتطلب منه انه يخلصها بقى من التمثيلية اللي هي بتعملها على فهد واللي سببها موضوع المناقصة، فهد كره نفسه وكره اي بنت تدخل حياته ولا بيسمح لأي بنت غريبة تدخل القصر ومن يومها كرهه لجده ذاد لان باردوا فشل حبه كان هو السبب لان كل دا حصل بسبب منافسينه، وجده اول ماعرف قاله انه ضعيف وبنت ذي دي قدرت توقعه بالسهولة دي ومن وقتها فهد اتحول من فهد الطيب لفهد القاسي ورغم كل دا ورغم انه كان لسة بيدرس بس قدر ي**ب المناقصة لصالح شركتهم، فهد فضل يتكلم معاهم لحد ماتعب من كتر الكلام ومشي

نيجي لجاسر واكمل بعد خروجهم من الشركة قعدوا في كافيه واكمل بيتكلم معاه وبيقوله ان مكانش ينفع انه يتعصب وخصوصا في وجود اعمامه، جاسر رد وقال انه بيكره جده ومش بيستحمل اصلا يسمع سيرته، اكمل قاله يهدى وهو اصلا كدا او كدا مش بيتعامل مع جده، جاسر بصله بحزن وقاله انه مالحقش يعيش مع ابوه وامه واكمل زعلان عشانه وبيدعيلهم بالرحمة

نيجي للجامعة، آسر وإسلام قاعدين سوا بعد محاضراتهم وآيه وهاجر خلصوا وقعدوا معاهم وبيقولهم يلا عشان يرجعةا القصر، بس الشباب قالوا ليهم انهم خارجين شوية، آيه قالتلهم ازاي هيخرجوا بدون علم الفهد والادهم؟ وهاجر قالتلهم مايقلقوش خالص سرهم في بير، إسلام بصلها بشك وقالها ان الخوف كله منها هي عشان هي قلب الادهم يعني هتسلمهم تسليم اهالي?، هاحر ضحكت وقالتله مايخافش واسلام بص لآيه وقالها هي هترضى ان هاجر تسلم اخوها وآسر؟ آيه ضحكت وقالتله هو اه اخوها بس ساعة الجد مش اخوها?، البنات سابوهم ومشيوا بس هما استحالة يقولوا حاجة عشان عارفين ان الفهد والادهم عصبيين

نيجي للمستشفى عند شريف، قاعد في اوضته ودخلت ليل وبتبلغه ان في حالة بارة محتاجة كشف، وشريف قالها ان المفروض كل الكشوفات خلصت بس ردت عليه وقالتله فعلاً الكشوفات خلصت بس الحالة دي باين عليها تعبان اوي ولسة جايا دلوقتي، شريف قالها تدخلها بسرعة، ليل سمحتلها تدخل وفعلا الحالة كانت مرهقة جداً بس مش هي الحالة اللي هيتكشف عليها وهي بنت عندها ٢٠ سنة وهي بنت هادية وعيلتها متوسطة وامها اتوفت وابوها مريض قلب وعشان كدا هي جات هنا وبلغت شريف ان ابوها هو اللي تعبان بس هو في البيت مقدرش يجي عشان تعبان، شريف بيخصص نص الكشوفات اللي بتجيله لله ومش بياخد فلوس من الحالات وقام بسرعة بعد ما اخد شنطة احتياجاته واخدها وركبوا العربية واتحركوا للبيت عندها بس للأسف هي وصلت بعد فوات الاوان وابوها خلاص مات، وجريت على اوضته تعيط اوي ومكانتش مصدقة وشريف كشف عليه بنفسه وبلغها بأسف انه فعلاً مات، شريف مكانش عارف يعمل ايه بس فضل جمبها لحد ماخلص كل اجرائات الدفن ومشي

ليل رجعت السكن اللي هي قاعدة فيه مع صفحتها، وباين عليها الارهاق اوي وتمارا قالتلها انها دايما كانت بتقولها تشتغل في عيادة خاصة بدل شغل المستشفى المتعب دا، بس ليل ردت عليها وقالتلها انها اختارت تكون في المستشفى عشان بتقدر تساعد ناس كتير وتمارا سابتها على راحتها وقامت تحضر ليخا العشا على ماتغير هدومها

اليوم خلص وجه وقت الليل وللأسف الباشوات آسر وإسلام لسة بارة مارجعوش القصر والبنات قاعدين في الأوضة اللي بيتجمعوا فيها والشباب دخلوا قعدوا معاهم وادهم حاضن هاجر وفهد حاضن ملك وشريف حاضن آيه وفريدة اول مادخلت وشافتهم كدا ابتسمت وقالتلهم ان شكلهم حلو وكل واحد حاضن اخته في حضنه كدا فهد طلب منها تقعد معاهم وفعلا دخلت قعدت وفريدة لاحظت عيون ابنها اللي متركزة على ملك اللي في حضن اخوها، وحبت ترخم عليه شوية وبتسأل ملك ان حضن فهد حلو ولا؟ وملك ضحكت وقالتلها ان مافيش احلى من حضن ابيه فهد، شريف ضحك وبص للفهد وقال لملك ان بلاش الكلمة دي عشان الفهد بيزعل وفهد بصله بغضب وقاله يخليه في نفسه وآيه ضحكت وقالت لشريف انه بلاش كدا عشان كدا الفهد هيقوم ياكلهم، فهد وقف وبصلهم بغضب وقالهم ان لو قعد معاهم تاني يبقى غلطان وسابهم ومشي وادهم قام عشان هيروح وراه وشريف باردوا بيقوله برخامة انه يعني هيقوم طلاما الفهد قام، ادهم بصله بغضب وقاله انه يسكت عشان ليلته تعدي احسن بدل مايروح المستشفى للعلاج مش عشان هو دكتور ورايح يعالج الناس، ادهم سابهم وخرج وبعد شوية الكل خرج بس ملك لسة قاعدة وفريدة واكمل بس ملك كانت ماسكة تليفونها ومركزة فيه وفريدة بتسأل ابنها ليه هو سكت ومش بيتكلم بس هو رد وقالها هيتكلم يقول ايه يعني، فريدة بصت على ملك ورجعت بصتله وقالت انه يقول اي حاجة وبلاش يفضل قاعد ساكت، اكمل فاهم امه تقصد ايه، وذي ماقولنا ان من يوم ما اكمل اتكلم مع ملك وهي بعيدة عنه ومش بتتكلم معاه خالص، بعد دقيقة سارة دخلت تاني وقالت لمامتها انها عاوزاها وفريدة خرجت معاها، وكل دا وملك اصلا سرحانة في التليفون وما اخدتش بالها ان مافيش غيرها هي واكمل، وبتكلم عمتها وهي باردوا مركزة في التليفون بس اتفاجأت ان عمتها مش قاعدة ومش شايفة غير اكمل اللي قاعد وكان بيبصلها وقالها ان مامته قامت، ملك قامت وخلاص هتخرج بس اكمل مسك ايديها وقفها وهي اتفاجأت بالحركة دي وواقفة بس مش بتبصله، وهو اتشجع ورفع وشها وبيسألها ليه بتبعد عنيها عنه؟ ملك بتبصله اوي بس نظراتها كانت كلها قوة ومافيش فيها اي ضعف وقالتله مش يمكن هي اصلا مش شايفاه ادامها، اكمل مكانش متوقع ردها وبيسألها ايه معنى كلامها! ردت عليه بقسوة وقالتله ان عنيها بتكون قريبة من الناس اللي هي شايفاهم وبس لكن هو لا وفي اخر كلامها قالت كلمة أبيه، ملك بعد ما قالت كلامها سابته وخرجت وهو واقف مكانه مش مستوعب اللي حصل بس هو بالعقل كدا هو مستني يسمع منها ايه بعد اللي هو قاله وجرحها بالكلام، ملك اول مادخلت اوضتها قفلت من جوا واترمت على سريرها وانهارت من العياط

الجناح الغربي، فهد كان قاعد في البلكونة ومضايق ان ادهم زعلان منه وكان مستنيه يخرج من الحمام عشان يتكلم معاه، فهد فكر في حاجة وقام فتح الدولاب وخرج منه القفاز الخاص بلعب البو** وواقف واخد وضع الاستعداد ومستني ادهم يخرج، وادهم خرج وشايفه واقف كدا وفهد قاله يلا وادهم واقف مربع ايده عند ص*ره وقاله انه فاكر باللي هو بيعمله دا هيقدر يصالحه؟ وفهد رد عليه بعصبية وقاله هو اللي استفزه، ادهم سأله بهدوء وبيقوله ليه هو زعلان هو مش قال الحقيقة؟ فهد اضايق من كلام ادهم لانه بيحاول ينسى الماضي ومش بيحب حد يفكره بيه، فخلع القفاز وقال ماشي، فهد خرج تاني البلكونة وادهم اضايق باردوا انه زعل وخرج وراه، وبيكلمه بس فهد مش بيبصله ادهم بيحاول يفهمه انه مايقصدش حاجة بكلامه، بس فهد بصله واتكلم بحزن وقاله ان كل كلمة قالها معناها واحد بس انه ضعيف، ادهم ضربه في دراعه وقاله خلاص يعديها بقى، فهد بيبص لادهم وبيقوله هو اد الضربة دي؟ وادهم قاله اه واللي عنده يعمله?

فهد لسة هيرد عليه بس اخد باله ان بوابة القصر بتتفتح وشايف عربيات آسر وإسلام داخلين وادهم بيسأل فهد هما كانوا فين لحد دلوقتي؟ وازاي ما لاحظوش انهم مش موجودين وبعدين هما مش البنات قالوا انهم ناموا؟ فهد اتكلم بغضب وقال ان اكيد البنات كدبوا عشان يخبوا عليهم وادهم قاله ان ليلتهم سودا الليلادي وفهد بيسأله هما مين اللي ليلتهم سوا؟ وادهم قاله اكيد آسر واسلام اللي راجعين متأخر وفهد سأله بالنسبة للهوانم اللي كدبوا؟ بس ادهم رد وقاله انه استحالة يقدر يعمل حاجة عشان دي قلب الادهم، وفهد اتعصب وقاله اهو دلعك دا اللي هيوديهم في داهية وهو قاله انهم يشوفوا بس الاساتذة دول وبعد كدا يشوفوا

فهد وادهم نزلوا تحت وآسر واسلام داخلين بشويش ومرعوبين عشان لو ادهم وفهد شافوهم هيحصل كارثة بس قبل ما فهد وادهم ينزلوا كانت هاجر وآيه نازلين يقابلوهم واسلام بيسالهم بصوت واطي هما فين؟ وهاجر قالتله انهم في الجناح بس ربنا يستر ومحدش فيهم يحس بحاجة وآسر قالهم يلا بسرعة نطلع، فهد رد عليه بصوته المرعب وقاله تطلعوا على فين؟ آسر واسلام واقفين هيموتوا من الخوف ومش عارفين يقولوا ايه والبنات واقفة خايفة، ادهم بيتريق عليهم وبيقولهم ساكتين ليه هي القطة اكلت لسانهم ولا ايه؟ هاجر لسة هترد بس فهد بإشارة واحدة منعها وقالها انها بالذات تسكت، هاجر بصت لأخوها اللي واقف يبصلها بغضب عشان كدبها، آيه حبت تبرر وقالت انهم كانوا بيذاكروا عند اصحابهم بس فهد اضايق واتعصب وقال للبنات تطلع فوق بسرعة، البنات واقفة بتبص لبعض ومش عاوزين يطلعوا بس من كلمة تانية من فهد كانوا طلعوا بسرعة، بس جريوا على اوضة ملك عشان هي الوحيدة اللي هتقدر توقف فهد عن عقابهم واكمل كان لسة مانامش وبيسأل البنات ايه اللي بيحصل؟ وهاجر قالتله انه يلحق آسر واسلام عشان فهد وادهم عرفوا انهم كانوا سهرانين واكمل بسرعة نزل وملك كانت خرجت من اوضتها ونزلت جري ووقفت ادام الفهد وبتسأل عن اللي حصل؟ وفهد بيسألها هي ايه اللي نزلها واكمل بيسأل باردوا ايه اللي بيحصل، ادهم رد عليه بعصبية وقاله ان الباشوات كانوا سهرانين من غير اذنهم واكمل بص لهاجر اللي نزلت تاني وسألها هي مش كانت قالت انهم ناموا؟ هاجر بصت لأدهم بخوف وقالت انهم قالوا مش هيتأخروا، فهد انفعل عليهم وبيقولهم يطلعوا فوق بس ملك بتترجاه انه يسيبهم وبلاش عقاب فهد انفعل عليها وقالها تطلع، بس ملك كانت لأول مرة تعاند معاه وقالتله انها مش هتطلع غير لما هو يطلعهم اواضهم من غير عقاد، فهد بدأ ياخد باله من عنين ملك وان باين عليها انها كانت بتعيط وسألها عنيها مالها؟ ملك بتهرب من نظرات اخوها وقالتله مافيش، فهد لسة بيبصلها وبيكلم اللي موجودين وقالهم يطلعوا على اواضهم وعقاب اللي خرجوا بدون اذن هو انهم اتمنعوا من خرجة اخر الاسبوع، الكل طلع بس آسر واسلام مضايقين من العقاب(احمدوا ربنا ?) وفهد واقف ادام ملك وقالها انه مش هيسألها تاني عنيها مالها، بس هي ردت عليه بتوتر وقالتله انها كانت بتقرأ رواية وكان فيها مشهد حزين فعيطت في اللحظة دي كان اكمل واقف على السلم وسمع اللي اتقال وادهم بعد مادخل الجناح خرج تاني عشان يروح لأخته بس شاف اكمل واقف وبيسمع بإهتمام، ادهم قرب منه واتكلم بصوت واطي وقاله ان لو فهد شافه واقف كدا هتكون ليلته سودا، اكمل قاله انه اصلا كان طالع وادهم بيبصله بنص عين وقاله طالما كنت طالع ليه وقفت؟ واكمل قاله مافيش وسابه ومشي وادهم واقف مبتسم لانه حاسس بأكمل

ادهم راح اوضة اخته وهي اصلا كانت متأكدة انه هيروح ليها، وهو واقف ادامها وبيعاتبها انها باللي هي عملته زعلته، بس هي ردت عليه بدموع وقالتله ان مكانش قصدها هما قالوا انهم مش هيتأخروا كدا وانها رنت عليهم كتير بس مافيش حد فيهم رد، ادهم قالها وليه تكدبي؟ هاجر اتأسفتله وهو رد عليها بجدية وقالها ان لو اللي حصل دا اتكور هيزعل منها زعل جامد، هاجر حضنته اوي ووعدته ان اللي حصل مش هيتكرر تاني، ادهم قالها ماشي وطلب منها تنام، وفعلا هي نامت وادهم رجع الجناح وفهد كان فيه، وادهم سأله هيروحوا فين في نهاية الاسبوع؟ فهد قاله ان اهم حاجة ا آسر واسلام مش هيكونوا معاهم ودا عقابهم، ادهم بيطلب منه انه يعديها ويسامحهم وانهم بيستنوا نهاية الاسبوع عشان نتجمع كلنا ونخرج، فهد رد بتريقة وقاله على اساس انهم مش بيخرجوا، ادهم اقترح عليه وقاله بدل العقاب دا يلاعبهم بو** بس فهد ابتسم وقاله لا العقاب دا احسن بكتير من البو**، وبعد شوية ناموا

تاني يوم الصبح ليل صحيت وفتحت شباك اوضتها هي وتمارا وبتتنفس هواء الصبح ومتفائلة، تمارا بصتلها وقالتلها اللي يشوفها وهي متفائلة كدا مايشوفهاش وهي راجعة تعبانة اخر اليوم بس ليل ردت عليها وقالتلها هي اه عندها حق انها بترجع تعبانة بس هي بتقضي احلى وقت وهي وسط المرضى وخصوصا لما بتكون في قسم الحضانه بتابع حالات الاطفال حديثي الولادة، وتمارا قالتلها انها قالتلها كتير انها تتنقل قسم الاطفال وبلاش جراحة القلب، بس هي ضحكت وقالتلها انها بتحسسها بكلامها انها دكتورة هي مجرد ممرضة ولازم تكون اد المسئولية في المكان اللي تكون فيه، تمارا عارفة ان مهما تتكلم مافيش فايدة واخدت الفوطة وخرجت للحمام، ليل قعدت على كرسي وفتحت الفيس بوك الخاص بيها وبعد شوية دخلت اخدت دش واتوضت وصلت ركعتين

في قصر البارون، شريف صحي وراح لجده يطمن عليه بس طبعا هو عارف ان جده استحالة يقول تعبان او يبان ضعيف، البارون بيحاول يعرف منه ايه اللي حصل في اجتماع الشركة امبارح بس شريف قاله انه مش متابع شغل الشركة، البارون اتعصب وقاله انه هيفضل غ*ي، شريف بيجهز الحقنة وقاله يلا عشان ياخدها وهو مش بيحب يشغل دماغه في حاجة مش تخصصه، شريف عرض عليه انه يجيب له ممرض يكون جمبه بس الباروم رفض وقاله انه شايفه عيل او طفل ادامه مش قادر ياخد باله من نفسه؟ شريف قاله ان المرض مفهوش كبير ولا صغير ولازم يحصل كدا عشان هو بيكون طول اليوم بارة وعاوز يكون مطمن عليه، البارون كان لسة هيرفض بس قاله انه موافق بس بشرط وشريف بصله بنص عين وبيساله ايه هو الشرط دا؟

البارون: ان انت تتفق مع ممرضة مش ممرض

(اوبس ازاي وفهد مش قابل اي بنت تدخل القصر)