أحفاد البارون

الحلقة التالتة

#الحلقة_التالتة

#رواية_أحفاد_البارون

#بقلم_ايمان_جمال

شريف استغرب ان جده طلب منه يجيب ممرضة القصر وهو عارف ان فهد رافض دخول اي بنت القصر، بس البارون طلاما أمر يبقى شريف عليه التنفيز بس للأسف هو ازاي هيقدر يخاطر بليل لانه عارف طبع فهد وانه اكيد مش هيعديها بس هو حمل كل المسئولية على البارون

فهد متعود كل يوم الصبح بيخرج يجري وبياخد معاه الكلب ما** اللي دايماً موجود في القصر ودا كان شكله منقط اسود في ابيض، فهد خلاص قري من بوابة دخول القصر واول ما الحراس شافوه فتحوا البوابة بسرعة عشان يدخل، فهد ربط ما** في مكانه وحطله الاكل وطلع الجناح عشان يجهز لنزوله للشركة وفي الوقت دا أدهم كان صحي وفي الحمام

فهد بدأ يجهز هدومه عشان يدخل بعد خروج الادهم، أدهم خرج وبيقوله انه ندل عشان خرج يجري من غيره بس طبعاً كان رد فهر عليه انه كان مستنيه يحصى على صوت المنبه بس فضل نايم بس ادهم رد عليه عليه بعصبية وقاله انه كان لازم يصحيه، فهد قرب منه ومسك دقنته بإستفزاز وقاله: المرة الجايا يادومي

فهد ساب أدهم اللي واقف بيغلي ودخل ياخد دش

أكمل صحي كعادته ونزل يشرب قهوته في الجنينة ويستنى جاسر يصحى عشان ينزلوا الشركة سوا وبالنسبة للبنات فملك وسارة نزلوا سوا عشان الجامعة وسارة راحت تشوف اكمل قبل ماتمشي وبتعاتبه انه باردوا بيشرب القهوة من غير فطار بس هو رد وقالها ان دا طبعه ومش هيعرف يغيره، ملك خرجت وعاوزة تنده لسارة بس مش عارفة تعمل كدا عشان اكمل وهو حس بوجودها وابتسم وقال لأخته انها واقفة مستنياها، سارة استغربت وبصت على ملك اللي هي واقفة ورا اكمل وازاي شافها وبصتله بإستغراب بس هو قالها انها ماتشغلش بالها وتقوم عشان مش يتأخروا على الجامعة بس يفطروا الاول بس هما كانوا مستعجلين وفعلاً مشيوا، أكمل كان مخنوق ومضايق ان ملك بعيد عنه وخصوصاً بعد الكلام اللي هي قالته

اكمل طلع لجاسر بس انصدم لما عرف ان جاسر مصمم يفطر وهو اصلا رافض امه يتجمع على الفطار مع جده على ترابيزة واحدة بس جاسر قاله انه لازم يشوف شكل البارون أول مايعرف ان فهد عمل شركة لوحده

شوية وكلهم اتجمعوا على الفطار وفهد طول ماهو قاعد بيبص لجده أوي وهو مستغرب كل دا وعشان كدا سأله ليه هو بيبصله أوي كدا؟ فهد اتأكد من نظرات اعمامه انهم لسة لحد دلوقتي مافيش حد بلغه وفهد اتكلم وقال لجده انه عمل شركة لوحده، البارون انصدم واللي ضايقه اكتر ان فهد قاله انه مش جاي يستأذن منه لا هو جاي يقوله على اللي هو عمله يعني أمر واقع، جده اتعصب وقاله ان استحالة دا يحصل وفي وسط عصبيته ذكر اسم ابو فهد ودا اللي عصب فهد وقاله انه لآخر مرة يجيب سيرة ابوه على لسانه، جاسر اتعصب واتكلم مع جده بغضب وقاله انه لو كان فاكر انهم ممكن يخافو منه يبقى غلطان

فهد سابهم وخرج وأدهم وجاسر واكمل خرجوا وراه وباللي حصل دا البارون صمم ان شريف يجيب ممرضة في القصر، وباردوا شريف مش عاوز يعاند ولا يدخل نفسه في مشكلة مع فهد لأن البنت اللي هتيجي اكيد هتكون في خطر بس للأسف هو مش هيقدر ي**ر كلام جده وهينفذ كلامه لان حالته الصحية سيئة

فهد وصل الشركة وكل واحد من الشباب دخل مكتبه، بس ادهم راح لفهد مكتبه وبيسأله عن الحفلة السنوية الخاصة بشركتهم وفهد قاله ان كل حاجة تمام بس أدهم شايفه مش كويس بس هو مين يقدر على الفهد حتى لو كان الادهم فالفهد بالنسبة للكل لغز كبير

شريف وصل المستشفى وطلب ليل تروحله المكتب وهي بعد دقايق دخلتله وطلب منها تقعد عشان عاوزها في موضوع، شريف بعد دقيقة تفكير بصلها وقالها انه محتاجها في القصر عندهم عشان تتابع حالة جده، ليل استغربت طلبه وسألته اشمعنا هي؟! وليه يكون محتاج حد وهو دكتور

شريف رد عليها برد اقنعها الى حد ما وقالها انه طول اليوم بيكون في المستشفى ومافيش حد بيتابع حالته في غيابه وعمته مشغولة شوية بالقصر اما مواعيد الدوا فمحتاجة حد يكون متفرغ

لسل اقتنعت بكلامه وردت عليه بإبتسامة وقالتله انها موافقة بس هي محتاجة تاخد رأي والدها الأول وطبعاص شريف قالها دي حاجة أكيدة وبراحتها ومستني ردها، ليل خرجت من عند شريف وهو قاعد يفكر في اللي ممكن يحصل بعد مافهد يعرف بوجود ليل في القصر هو عارف ومتأكد انه هيرفض لو أخد رأيه فعشان كدا هيحطه ادام الامر الواقع رغم انه خايف وقلقان من ردة فعله

ملك وسارة في الكلية وخلصوا أول محاضرة وسارة عاوزة تعرف ملك بتفكر في ايه في موضوعها هي وأكمل وسألتها اذا كانت لسة بتحبه ولا لأ، ملك اتفاجأت بسؤال سارة وقالتلها ليه السؤال وليه بتسأله دلوقتي؟!

وكان رد سارة عليها بإنها شايفاها متغيرة من سنين ومخبية سبب تغيرها وكأنه سر، ملك ردت بحزن وقالتلها انه مش سر وهي قررت ان ملهاش دعوة بيها بأكمل وان كدا أحسن، سارة صممة تعرف اللي حصل وملك بدأت تحكي ليها اللي حصل وسارة كان ردها بإن أكمل كان ممكن كان شايفها زمان طفلة اما دلوقتي شايفها حبيبته بس طبعاً ملك اخدت كلامها على انها بتدافع على اخوها بس سارة قالت هي مكانتش تقصد كدا وانها حاسة بحاجة تانية وانها ان اكمل بيحبها والدليل على كدا انه حس بوجودها وهما خارجين الصبح للجامعة وحس بيها واقفة وراه من غير مايبص بس باردوا ملك شايفة ان دا عادي وانه اكيد يعني كان عارف انها واقفة مستنية سارة عشان يروحوا الجامعة

سارة قالتلها ليه هي ماتفكرش انه بيحبها وانه بيحس بكل نفس هي بتتنفسه، ملك بتسمع الكلام ومش عاوزة تدي لنفسها أمل بحاجة عشان مش تعيش في وهم وقالتلها انها مش شايفة غير انه شايفها طفلة وبس ومهما السنين تعدي مافيش حاجة هتتغير، سارة يأست من الكلام معاها وبعد شوية المحاضرة هتبتدي وخلاص الدكتور دخل

ليل خلصت شغلها ورجعت بدري وتمارا كانت خلصت شغل المكتب ورجعت هي كمان وهي استغربت رجوعها بدري وسألتها عن السبب بس هي قالتلها انها رجعت بدري عشان مافيش مرضى كتير النهاردة وكمان عشان تستعد لبكرة واللي هو ان شريف طلب منها تروح لجده ذي ما احنا عارفين وتمارا شايفة ان دا عادي وكمان هتروح قصر البارون بس ليل كانت قلقانة بس كالعادة تمارا قالتلها ان دا عادي وهي دايما بتقلق نفسها على الفاضي وليل عرفتها انها هتكلم دكتور شريف وتبلغه انها هتروح القصر الصبح عشان تشةف الوضع هيكون ازاي قبل ماتروح لأهلها اخر الاسبوع وتاخد رأيهم

شريف خلص شغله بعد يوم طويل ومتعب وراح يشرب قهوة في كافيه جمب المستشفى واتفاجئ بالبنت اللي بتقدمله القهوة وهي نفس البنت اللي مامتها اتوفت لما شريف راح معاها يكشف عليها وعرف منها انها بتشتغل جديد هنا، صاحب المحل لاحظ وقوف البنت مع شريف وراح عندهم وسأله اذا كان فيه حاجة ولا لأ وشريف قاله لا ويقدر يشوف شغله والبنت أمل فضلت واقفة شوية مع شريف وراحت تتابع شغلها اما شريف فقبل مايمشي طلب من صاحب الكافيه انه يزود ليها مرتبها بسة من غير ماهي تعرف انه طلب كدا

آسر واسلام قاعدين بيذاكروا ومضايقين انهم مش عارفين يخرجوا والبنات دخلوا ليهم

آيه واقفة ماسكة نفسها من الضحك وبتتريق عليهم وآسر اتعصب عليها وقالهم يخرجوا بارة بس ملك عصبتهم اكتر لما قالتلهم ان شكلهم وهما قاعدين كدا ذي المطلقات، إسلام وقف بعصبية وقالها بلاش تتكلم ولا هي عشان بنت قلب الفهد يعني فتعمل اللي يعجبها

البنات فضلت تتريق عليهم وصوت آسر واسلام بدأ يعلى لحد ما اكمل جه على صوتهم وبيسألهم في ايه واسلام قاله انه يخرج البنات بارة بس ملك اتعصبت وقالت انها هتحكي لفهد بس آسر لسة هيقرب بس أكمل وقف في النص وقاله انه لو اتكلم كلمة ذيادة هو اللي هيتصرف وآسر متعصب وقاله يعني هو سايب التريقة اللي بيعملوها بس أكمل قاله ان البنات عندها حق عشان هما غلطوا، اكمل اخد البنات وخرجوا وقالهم بلاش لعب العيال دا بس الكلمة دجي عصبت ملك وقالت بتريقة معلش يستحمل اصلهم اطفال، اكمل عارف انها تقصده بكلامها وقالها ان شغل الاطفال بيكون له وقته وبيروح وسارة حبت تعرف حاجة وسألت اخوها انه فعلاً شايفهم اطفال، اكمل بص لملك وقال انه كان زمان شايفهم اطفال لكن دلوقتي لا، ملك مشيت من ادامه وهي مش طايقاه، اكمل نزل اوضة التمرين وأدهم وفهد وشريف وجاسر كانوا بيتمرنوا تحت وفهد بيترق عليهم عشان بقالهم كتير مش بيتمرنوا معاهم

الليل عدا وجه الصباح وليل خلاص بتجهز عشان تروح القصر وكانت قلقانة ومتوترة بس صلت ودعت ربنا يوفقها في كل اللي جاي وتمارا بتطمن عليها وقالتلها ان لولا شغلها كانت راحت معاها لان نفسها تدخل القصر

نيجي بقى لجنينة القصر آسر واسلام قاعدين وليل دخلت من بوابة القصر لان الحرس كان عندهم خبر بوصولها وانهم يدخلوها اول ماتوصل وآسر واسلام شافوها وبدأوا يتكلموا معاها وعرفوا منها انها الممرضة بس قالو ليها هي ليه جايا القصر هي المفروض تكون في المستشفى بس هي قالتلهم انها الممرضة اللي هتكون مع جدهم، وهنا بقى كانت الصدمة بالنسبالهم ومستغربين ان ازاي بنت تدخل القصر، ليل كانت محتاجة تعمل مكالمة والتليفون فاصل شبكة وآسر فكر في فكرة شيطانية وقالها ان فيه شبكة في الجنينة الخلفية ووصفلها تروحلها ازاي وهي في اتجاهها ليها واسلام قاله ازاي يعمل كدا وو عارف ان ما** هناك؟! اما آسر ضحك وقاله عشان كدا هو قالها تروح هناك، إسلام اتعصب وقاله هما ناقصين مشاكل مع فهد وجريوا على جوا، ليل بقى ماشية بصة في التليفون عشان الشبكة وقجأة سمعت صوت كلب بيزوم وبدأت تصرخ وصوتها يعلى

فوق في ناج الفهد والادهم صحيوا مفزوعين على صوت الكلب وعرفوا من صوته ان في حد غريب دخل القصر ونزلوا جري لدرجة انهم نسيوا يلبسوا التشيرتات وكل الشباب خرجوا من اواضهم وجاسر بيسأل ليه صوت ما** عالي كدا، فهد بصلهم وسألهم مين غريب دخل القصر؟!

وشريف في اللحظة دي افتكر ان ليل هتيجي دلوقتي وبص لفهد بتوتر وقاله انها ممكن تكون ليل، فهد بصلها بإستغراب وقاله ليل مين؟!

شريف رد عليه بتوتر وقاله: دي الممرضة الجديدة اللي هتكون مع جده

الحلقة خلصت