Chapter 106
Josephine’s Pov
HINDI KO alam kung tama ba ang desisyon ko na sumama sa babaeng ‘to. Inilabas niya ako sa kwarto ko at ingat na ingat na hindi kami mahuli. Mabuti na lamang kanina ay wala kaming nakitang tauhan ni Esmael na nagbabantay sa labas ng kwarto ko.
May hawak din na baril si Dan at nakahanda ‘yon at baka may sumulpot na kalaban. Sa alaala ko sa kanya ay mabait siya. Wala akong nakikita sa alaala ko na masama siyang tao kaya umaasa ako na hindi niya ako ipapahamak. Sana nga ay hindi niya ako ipahamak lalo na’t sinasabi niya na may ginawa siyang kasalanan sa ‘kin.
Gustong gusto kong malaman kung anong kasalanan ba ang sinasabi niya. Hindi ko pa kasi maalala. Ayaw naman niyang sagutin at ang sabi lang niya ay ito lang daw ang alam niyang paraan para makabawi sa mga
