PASADO alas sais pa lang nang umaga pero dahil magdamag na gising si Ivy ay iniinda na niya sa mga sandaling iyon ang kakulangan niya ng tulog. Magdamag nilang binantayan ni Rachel ang takbo ng bagong program. So far, wala pang matinding problema ang ibinibigay ng system pero expected na rin nila ang malaking volume ng complaint na papasok ngayong nagsisimula na ang peak hours.
Pero ang mas nakakagulo sa sarili niya ay ang volume ng taong tila dumagsa sa opisinang iyon. Palitan ng shift at pakiramdam niya ay napunta ang lahat ng empleyado doon.
Karamihan ay linemen. May nagsosoli ng trabaho, mayroon ding kumukuha. May bagong paligo, mayroon namang pawis na pawis galing sa trabaho. Mayroon ding siyang namataan na naghihikab pa.
Buong shift yata ng n
