PAGOD na pagod na si Ivy. Alas siete na ng gabi ay hindi pa dumarating ang magiging kapalit nila na magmo-monitor sa bagong system. Hindi nila inaasahan na may darating na bagyo. Iyon ang isang bagay na hindi niya gustong makasagupa ngayong naninibago ang lahat sa bagong system.
Dumagsa ang complaint report. Bigla na lang lumilitaw sa screen ang mga reklamo ng customer. At dahil lahat ay naninibago, hindi maiwasan na magkaroon ng pressure sa emergency and service section ng Meralco.
Nagdagdag na ng tao para sumagot sa teleponong hindi tumitigil sa pagtunog dahil sa sunud-sunod na tawag ng mga complaining customers. Sa monitoring screen ay parang may paligsahan na padagdag nang padagdag ang outage complaints.
Overtime na ang mga linemen. Nag-assign ang mga general
