“AKO ang nag-drive ng kotse mo. Iyong pick-up ko, pina-drive ko naman sa kasamahan ko na papunta diyan sa Lopez,” paliwanag sa kanya ni Lance nang makita niya hindi lang ang kotse niya kung hindi pati na rin ang pick-up nito—na bulok. Ewan niya kung bakit hindi niya maialis ang adjective na iyon basta pick-up na nito ang pag-uusapan.
“Ipasok mo na iyong pick-up. Iyon na lang reserved space sa akin ang gamitin mo. Ako nang bahala sa guard sa parking.”
“No, Ivy,” ani Lance. “Itong pick-up ko ang gagamitin natin.”
“Pero—”
Hindi na niya nasabi ang pagtutol. Nakita niyang tila mao-offend ang binata kaya napatango na lang siya. Si Lance na mismo ang nagpasok ng kotse niya sa reserved space niyon at sumakay lang din siya upang ituro ang lugar at
