Naisipan ko munang pumunta ng bathroom sa ibaba upang makapaghilamos. Hindi ko na mabilang kung ilang baldeng luha na ba ang iniiyak ko matapos ang komprontasyon namin ng aking byenan. Sinabayan ako ni Donna sa paglalakad sa hagdan.
Naabutan namin ang byenan ko na prenteng nakaupo sa sofa sa may sala. Nakatutok ang atensyon niya sa isang panghapong teleserye sa telebisyon. Umiwas ako ng tingin upang hindi ko masalubong ang mapanuri niyang titig habang pababa ako ng hagdanan.
Tumalilis ako ng lakad papuntang bathroom malapit sa may kusina. Marahan kong binuksan ang gripo at malayang pinaagos ang tubig mula rito. The splashed of the water somehow calmed my broken spirit. Alam kong nag-uumpisa pa lang ang laban. Hindi ako susuko! Ipaglalaban ko ang karapatan ko sa aking asawa. Lalaban ako
