Chapter 52
"Saan ka pupunta Roch?" tanong sa kanya ng kanyang ina habang may dala-dalang isang bag.
Umuwi lang kasi si Jasmine upang kumuha ng kanilang damit na mag-asawa at nais din niyang silipin ang kanyang anak. Hindi naman kasi pwede na pabayaan niya ito na mag-isa lang. Nais pa nga sana ni Roch na sumama sa hospital ngunit hindi na niya pinayagan ang kanyang anak. Masyadong malayo ang hospital kung saan naka-confine si Leandro sa pinapasukan na paaralan ni Roch.
"Maghahanap po ako ng mga kalakal mama. Balita ko ay mataas daw po ang bentahan ng mga bote at plastic. Kaya habang maaga pa ay maghahanap na po ako," nakangiti si Roch ngunit malungkot ang kanyang mata. "Mamaya po ay magluluto ako ng hapunan natin para maihatid ko sa inyo sa hospital."
"Malayo ang hospital dito baka map
