Dalawang araw na agad ang lumipas simula nang mangyari iyon. At dalawang araw na din ang nakakaraan nang silang dalawa ni Vivoree ang nag-aalaga kina Shasha at Jun. Pakiramdam tuloy ng dalawang magkapatid ay nagkaroon sila ng ama at ina dahil kina Roch at Vivoree. Kahit kailan naman ay hindi nila nakita ang ama at ina nila at ang lolo Bernard na nila ang nag-aalaga sa kanila. Kahit gano'n ay hindi na nila tinanong ang tungkol sa kanilang mga magulang dahil kuntento na sila sa pagmamahal at pag-aalaga ni Mang Bernard. Ngunit hindi maiwasan na sa kanilang paaralan ay tuksuhin sila na putok sa buho ng ibang mga mag-aaral doon. Kaya naman madalas din silang napapaaway lalo na si Jun dahil ayaw niyang nakikita na umiiyak ang ate Shasha niya. Kahit na maliit na bata lang si Jun ay matapang na ba
