Inihiga ni Roch si Vivoree sa kama niya. Dumiretso sila sa condo unit ni Roch dahil mas malapit ito sa condo ni Vivoree sa bar kung saan siya naglasing. Nakatulog na kasi si Vivoree sa balikat ni Roch. At habang nasa biyahe silang dalawa ay hindi maiwasan ni Roch na sulyapan ang dalaga. Sa kabilang banda ay nag-aalala si Roch sa kanya lalo na sa kalusugan nito. Ngunit kinokontra naman ng kanyang isipan ang kanyang puso.
"Bakit sa 'yo pa kasi tumibok itong puso ko," sabi ni Roch sa natutulog na si Vivoree at hinaplos nito ng madahan ang buhok ng dalaga. "Hindi naman kasama sa plano ang mahalin kita ng ganito."
Napabuntonghininga na lang si Roch saka siya madahan na tumayo dahil sa sofa na lang siya matutulog. Pagkatapos maayos ni Roch ang comforter kay Vivoree ay hinalikan nito ang noo ni
