“A-Ano?” hindi makapaniwalang tanong ni Kaiden kay Lorenzo, matapos nitong marinig ang mga sinabi ng lalaki.
“Ang kwintas na iyan, ang siyang nagpapatunay, na ikaw ang nag-iisang anak ng Mahal na Haring si Alfred Kaizer, at ang siyang tangi at nararapat na tagapagmana ng trono,” wika ni Lorenzo sa kanya, tinutukoy ang suot-suot niyang kwintas.
Samdali siyang natigilan at natulala ngunit pagkuwan ay bahagya siyang napatawa. Hindi siya makapaniwala sa mga sinasabi ng lalaking nasa harapan niya ngayon. At kahit pa gaano niya iyon isipin ay hindi niya mapaniwalaan ang lahat ng iyon.
‘Gusto mong… paniwalaan ko ang mga sinasabi mo? Na anak ako ng dating hari na si Alfred Kaizer, sa mundong ito?” tanong niya kay Lorenzo. “Pero… paano naman niya akong naging anak, kung mula pagkabata ay namuhay
