Nagpatuloy sa paglalakad sina Kaiden, Roman, at Amiera sa gitna ng kagubatan hanggang sa abutin na sila doon ng dilim. At tanging ang liwanag na lamang ng buwan ang siyang nagbibigay ng liwanag at gabay sa kanila ngayong gabi.
Ayaw nang pakinggan pa ni Kaiden ang mga inilalahad ni Lorenzo sa kanya, kaya umalis na siya sa lugar na iyon at hindi nagpaawat sa mga taong naroroon.
“Pwede bang… magpahinga muna tayo?” hinihingal na tanong ni Amiera saka ito tumigil sa paglalakad at pagsunod sa kanya.
Huminto din siya sa paglalakad at nilingon ang dalawa niyang kasama na mula pa kanina ay hindi niya iniimik. Mula nang umalis sila sa bahay ni Lorenzo ay hindi na siya kinausap pa nina Roman at Amiera tungkol sa mga bagay na sinabi ni Lorenzo sa kanila. At sa halip ay nanatiling tahimik lamang ang
