Dalawang oras na ang nakalipas mula nang lisanin nina Henry ang dating kuta kasama ng kanyang mga tao na patuloy na nagtitiwala at naniniwala sa kanyang kakayahan bilang hari ng Monarchy Kingdom, kahit pa wala na sa kanya ang kabiyak ng mahiwagang kwintas. At dalawang oras na din at hindi pa rin niya tuluyang maalis sa kanyang isipan ang matinding konsensya at pagkalungkot dahil sa nabalitaan niyang sinapit ng ilang mga kasamahan nila, sa naganap na pagsugod nila sa palasyo noong nakaraan. Lalo na na hindi maalis sa kanyang isipan si Carlito. Ang lalaki ang kauna-unahanag nakakilala sa kanya sa mundong ito mula nang marating niya ito. Ito ang nagdala sa kanya kay Lorenzo hanggang sa nalaman na niya ang katotohanan tungkol sa kanyang tunay na pagkatao.
Ayon pa kina Amiera ay halos apat na
