Madilim na ngunit hindi pa rin nakakabalik si Kaiden sa rest house ni Amiera sa Cavite. Kaya naman labis na ang pag-aalalang nararamdaman ngayon ni Roman para dito. Gusto niyang lumabas at puntahan si Kaiden ngunit hindi naman niya alam kung nasaan na ngayon ang lalaki. Wala naman siyang ibang paraan para ma-contact ito dahil wala naman silang mga cellphone.
“Dapat talaga ay hindi ko siya hinayaan na mag-isang umalis kanina,” paninisi ni Roman sa sarili habang balisa at pabalik-balik na naglalakad sa malawak na sala ng rest house ni Amiera.
Hinawi ni Amiera ang buhok habang nakaupo sa sofa at sinusundan lamang ng tingin ang bawat pabalik-balik na paghakbang na ginagawa ni Roman. Maging siya ay nakakaramdam din ng pag-aalala para kay Kaiden. At ayaw niyang isipin na nahuli na ito ng mga p
