“Bago tayo magtungo ng Zambales, mas mabuti siguro kung magtungo muna tayo sa bahay nina Rexer,” suhestiyon ni Amiera kina Kaiden at Roman.
“Pero para saan pa? Wala naman tayong makikitang sagot doon sa ngayon. Kinakailangan natin si Jona. Siya ang tanging makakatulong sa atin upang mahanap natin si Rexter,” pagtutol ni Roman sa ideya ni Amiera.
“Pero mas mabuti nang makasiguro muna tayo. Magtanong muna tayo sa ibang mga kapitbahay nila o sa security ng subdivision. Baka may makita tayong CCTV din sa lugar na pwedeng makatulong sa atin,” tugon naman ni Amiera kay Roman.
“Kung iyong tungkol sa mga CCTV, sigurado akong na-review na iyan ng mga pulis. At kung may kakaiba man doon sigurado din akong naimbestigahan na nila iyon,” saad naman ulit ni Roman.
“Paano ka naman nakakasiguro tungko
