Bago pa man makapalag at makasigaw si Edwin ay mabilis na itong inatake ni Henry, dahilan upang mawalan ito ng malay-tao. Habang nagbabantay sa labas ng malaking silid ang dalawang lalaking kasama nila, ay wala ng sinayang pa na oras at pagkakataon sina Henry, Roman, at Lorenzo. Binuhat nina Lorenzo at Roman si Edwin at sa tulong ng dalawang opisyal ng palasyo at tinulungan sila ng mga ito na makalabas ng ligtas at maayos sa lugar na iyon.
Hindi naman maitatanggi na habang ginagawa nila iyon ay abot-abot ang kaba na kanilang nadarama. Sa dami ng mga kalaban na naroroon sa palasyo ay tiyak naman na wala silang magiging laban dahil sa kakaunting bilang lamang nila. Ngunit sadyang pumapanig sa kanya ang Bathala at nakalabas sila ng ligtas sa palasyo, tangay ang kanilang pakay. Ang walang mal
