‘Whoever is happy will make others happy too.’ – Anne Frank
-Scarlett’s POV-
Katatapos lang namin magsara kaya naman nag-aayos na kami ng mga upuan ni Mylene. Dalawa lang kasi kaming naka-shift ngayon and buong araw din namang nandito si Sir Ralph kaya naman kapag maraming customer ay may katulong kami kanina. Pagkatapos maglinis ay naghanda na ako pauwi.
Pagkalabas namin ay nauna na si Mylene dahil may pupuntahan pa raw siya kaya naman hindi na niya ako nahintay pang matapos. Wala namang problema sa akin dahil malapit lang din naman na ako. At dahil gabi na rin ay wala nang masasakyan na tricycle, wala namang jeep na dumadaan dito dahil parang subdivision ang buong kalye.
Pwede naman lakarin kaya maglalakad na lang ako. ‘Yon nga lang ay mga fifteen to twenty minutes na lakaran din. K
