CHAPTER 74
Third Person's POV
"Seryoso ka ba d'yan, Finn? Ni hindi mo man lang ba ako naisip o kahit kaunting memorya na bumalik sa iyo sa loob ng isang taon na 'yan?" Hindi makapaniwalang bulalas ni Madi. Habang tumatagal silang nakatali sa loob ay mas sumasama ang loob niya sa mga lumalabas sa bibig nito.
"Ikaw na mismo ang maysabi, Finn. Paano mo makakalimutan ang taong kasama mo halos buong buhay mo?"
Tahimik na nakatulala lang ang lalaki habang pinapanood siyang maglabas ng hinanakit sa kaniya. Bawat salitang nanggagaling dito ay tumatagos sa kaniyang dibdib. Alam niya ang nararamdaman ni Madi dahil tiyak na iyon din ang mararamdaman niya kung sakali mang mabaliktad ang kanilang sitwasyon.
"Riley…"
"Huwag mo akong tawagin sa pangalang iyan," pigil niya agad sa sinasabi nito.
"I
