روايه بعد الفراق ..

الفصل السادس

القت هاتفها بعنف علي الفراش ولعنت غباءها عندما احضرت شريحه جديده بعدما حطمت القديمه ولم تقم بتغير رقم تطبيق الواتساب القديمه

هتفت لنفسها بضيق :

غ*يه يا قمر كنتي غيرتي رقم الواتس بجديد وقتها مكنش هو هيعرف يوصلك

في الخارج ينظر الي باب غرفتها المغلق والشك يلعب براسه من الصعب ان يثق بها خرجت هي وجلست بالاريكه المقا**ه له وعلي وجهها علامات القلق والخوف

هتفت بتوتر :

مازن هو انت ممكن تسامحني علي حاجه تانيه بخصوص حسام

مط شفتيه بعدم رد اطلاقآ ثم قال :

لا يا قمر مش هسامحك علي اي حاجه تخص حسام ولو عرفت انك بتكلميه ولا بتقابليه صدقيني هتندمي طول عمرك فوقي لنفسك يا قمر انتي كلها كام شهر وهتبقي ام ومتنسيش انك مراتي انا عديتها قبل كده بس مره دي مش هعديها

- حتي لو كانت قبل ما اتخطبلك !

قطب بين حاجبيه بتساؤل هاتفآ :

هو في حاجه تانيه غير الي قولتهالي ؟

اجابتها بدون تفكير :

اه لا لا مفيش

- في ايه يا قمر ؟

عادت براسها للخلف ثم وضعت يديها علي راسها هاتفه :

مفيش حاجه يا مازن مفيش انا تعبانه وبس

نظر اليها بعدم اقتناع بحديثها ولكنه اقسم من قبل لو علم بتواصلها مع حسام سوف ينهي حياتها لااابد ...

في احدي المشافي بالجيزه

اخفض الطبيب راسه وهو يدون ملاحظات قائلا :

يا هانم مينفعش الي انتي بتعمليه كدا المرض هينتشر في جسمك كله دلوقتي هو في الكبد هنعمل استئصال وهينتهي الموضوع لكن لو سبتيه هيبقي صعب نقضي عليه

ناديه :

انا مش هقدر اسافر لندن

وضع عينه في الاوراق قائلا :

مفيش قدامك وقت لازم تسافري

~ ~ ~ ~ ~ ~ ~ ~

هتفت بانفعال وهي تنهض من المقعد :

قولتلك يا شهاب مبحبكش عايز نرجع صحاب اوكي حب وخطوبه وجواز لا الحب بيضعف وانا مش ضعيفه .. انا مش هستني لما يجي اليوم عليا والقي نفسي زي شهد او قمر

جذب يديها واجلسها مره اخري هاتفآ وهو يحاول تمالك اعصابه امامها :

شهد وقمر دول وضعهم مختلف انا هخطبك وكل حاجه هتبقي رسمي قدام اهلك جميله انا مش واحد بيتسلي ولا بيضيع وقت انا داخلك من الباب

- ده علي اساس ان انت من كوكب تاني او مش راجل اسمع يا شهاب باشا كلكم صنف واحد انت زيك زي ممدوح الي رمي ماما وهي حامل فيا عشان يتجوز واحده تانيه ولحد دلوقتي مكمل معها ورامي امي وزيك زي عبدالله وحسام مفيش راجل كويس وكمان انا مش بتاعه محن ووحشتيني وبحبك والق*ف ده اقولك حاجه انا مش عايزه نرجع صحاب تاني اصلا

لم تهمله فرصه للرد حيث تمسكت بحقيبتها وغادرت المكان تحت انظاره

هتفت شهاب بضيق :

معقده ومش عايزه تفهم اني بحبها ومش بتسلي

~ ~ ~ ~ ~ ~ ~ ~~ ~

كان يجلس علي مقعد امام النيل مباشر ويتحدث في هاتفه بضيق قائلا :

انا بقالي ساعه مستني اخلصوا

والقي الهاتف علي منضده وهو يزفر وبعد دقائق ظهر اصدقائه

"معلش يا عم رامي مواصلات والله"

مط شفتيه في تبرم قائلا :

اه انت هتقولي

ابتسم ادهم قائلا :

خلاص ياعم انت هتقلب وشك ولا ايه

رامي بضيق واضح :

البيه نادر فين

ادهم وهو يسحب مقعد ويجلس قائلا :

بيركن العربيه,اجازتك هتخلص امته علي كده

~ ~ ~ ~ ~ ~ ~ ~ ~ ~ ~ ~~ ~

كانت تقف في شرفتها ويدور في عقلها الف سؤال وسؤال

ماذا تفعل في الصغيره,لا يمكن ان تاخذها معها فهي تخشي ان تفقد الحياه اين ستذهب الصغيره!!!؟

فاقت من شرودها علي صوت الصغيره :

خالتو انا جعانه

ذهبت ناديه لتجهيز الطعام للصغيره

ظلت ناديه تقلب في الصحن المعدني بشرود واخيرآ تحدثت قائله :

دودو ايه رايك تروحي لماما

داليا بحماس :

وبابي صح

هزت راسها نافيه وهي تقول :

لا ماما بس

داليا بتساؤل :

طب وبابي

اجابتها ناديه

بصي يا داليا انا لازم اسافر ومش هينفع اخدك معايا روحي عند ماما ولو احتاجتي بابا هخلي رقمه معاكي ابقي خدي موبايل ماما واتصلي بيه وهو يجي ياخدك

نظرت لها الصغيره بدهشه وعدم فهم تابعت ناديه وهي تنحنى قليلا حتي تصل لها قائله :

اعملي الي بقولك عليه لو حصل اي حاجه اتصلي بعز

~ ~ ~ ~ ~ ~ ~ ~ ~ ~ ~ ~

"يا ريم كفايه زن انا مش هقدر ارجع"

اشاحت بوجهها قائله :

خلاص وانا مش هرجع القصر تاني وهفضل معاكي

مروه:امال مين الي هيجبلي الاخبار

*******

تعالت قهقهات ايمن وهو يقول

ايوه بقي هو دا كلام هتيجي امته بقي

منال بدهشه :

انا مش فاهمه انت متمسك ان داليا تعيش هنا ليه

غمز لها ايمن قائلا :

عن طريقها هخلي عز يدفع تمن كل الي عملوا فيكي

انا مش طايقاها اصلا

ايمن بسخريه بين اسنانه

معلش استحمليها شهر دا يا روحي

*********

كانت تدثر في فراشها وتتحدث في الهاتف كعادتها وضعت طرف اصبعها علي

انفها لتسيطر علي نوبه الضحك ثم اخذت نفسآ عميقآ هامسه بنعومه

كفايه يا نادر الكلام دا

حاضر يا قلبي سكت اهو مهم عايز اشوفك بكره

تن*دت دينا وهي تقول بتفكير

بكره خارجه مع مامتي والاحسن تستني لما رامي يرجع كليته

القي نادر نظره علي رامي الذي كان يجلس بجانب ادهم

ابتلع ريقه قائلا بارتباك :

انا شايف كدا بردو اصله مستحيل يفهم الي بينا وانا مش عايز اخسره

اومات براسها قائله :

عندك حق وبعدين هانت كلها كام شهر والدراسه تبدا وقتها هعرف اخرج براحتي ونتقابل

ليقول نادر ;

هقفل دلوقتي وشويه واكلمك

اغلق الهاتف ودسه في جيبه وتوجه الي رامي وادهم

~ ~ ~ ~ ~ ~ ~ ~ ~ ~

وفي منتصف الليل ، قامت شهد بتجهيز حقيبتها وتركت ورقه علي فراشها لعمها الذي تمكث معه بعد وفاه والديها وغادرت ليس لها حياه معهم بعدما علمت بحملها يجب ان تختفي اما عبدالله فليذهب الي الجحيم ...

تنازالت عن اخلاقها ومبادئها وسلمته نفسها بورقه ليس قيمه لها تعلم جيدآ اذا صارحته بحملها لم يهتم هي كانت تسليه له فقط

ومن الذي يتزوج ويسلم منزله واولاده ولقبه لفتاه خانت ثقه اهلها ...

~ ~ ~ ~ ~ ~ ~ ~

توجه الي حجرته بعدما عاد من سهراته المعتاده

ولكنه توقف عندما سمع رامي وهو يقول

"البيه راجع وش الفجر منين!"

التفت له وهو يقول بفزع

ياعم ايه دا كح اعملك صوت راجع من مذاكره مع صحابي ولا تحب اسقطلك يعني

رامي:مذاكره في الاجازه!!! لا جديده دي

مط فمه ليرد قائلا

بقولك ايه انا تعبان وعايز انام

نظر له رامي بشك وهو يقول

انت سكران صح

فرك عيونه وهو يحاول فتحها قائلا

سكران ايه يا عم رامي هو انا بتاع كلام دا عن اذنك

قال جملته الاخيره وهو يتوجه الي غرفته

رامي:انا مش عارف ايه البيت دا!؟

يوسف الابن الاوسط لعبدالرحمن في العشرون من عمره يدرس في كليه تجاره اداره اعمال رسب عامين بيها ولم ينتقل الي الصف الثاني

~ ~ ~ ~ ~ ~ ~ ~ ~ ~ ~

اما عند قمر

دلفت الي غرفه مازن لتجده نائم علي الفرش محت عبراتها بقوه وجلست بجانبه بعدما اضاءت الغرفه هاتفه :

انا اسفه يا مازن اسفه والله

فتح عينيه باستغراب ثم اعتدل من فراشه وهتف :

اسفه علي ايه يا قمر في ايه للعياط ده ؟

القت نفسها بين احضانه وظلت تبكي وتردد :

اسفه والله اسفه

بعث بفروه راسها هاتفآ :

اسفه علي ايه يا قمر انا مش فاهم حاجه فهميني دلوقتي احسن

لم تجيبه وبماذا تجيبه وكيف تخبره ..!

- يا قمر في ايه ما تقولي وتخلصي

زاد بكاءها تن*د مازن بنفاذ صبر رفع وجهه اليه مباشرآ ازاح خصلات شعرها خلف اذنيها وقام بمحو دموعها بانامله ثم احتضن وجهها بين يديه هاتفآ :

خلينا نبدا من جديد يا قمر انا وانتي وننسي الي حصل من ساعه ما اتجوزنا ، عشان خاطر حتي البيبي الي جاي ده

اومات راسها بالايجاب وهي ترتعش من البكاء فتابع مازن :

بس دي اخر مره هدوس علي كرامتي عشان بحبك وهعتبر اي جنان عملتيه وكلام قولتيه عن حسام مجرد هبل يس لو سمعت او حسيت انك بتقابليه او بتكلميه اقسم بالله يا قمر هخليكي تندمي طول عمرك ومش هرحمك

اخفت نفسها بين احضانه ب**ت ماذا لو علم !!! كيف سيتصرف معها !!!