“HEY, SWEETHEART! Please, huwag kang umiyak. Hindi naman kita pinaiiyak, ah. Ano bang ginawa ko sa iyo? Sabihin mo sa akin, please,” may himig pakiusap na wika ni PJ.
Hindi ako sumagot. Nagpatuloy lang ako sa pag-iyak. Hindi ko na kasi kinakaya ang nakikita ko sa kanya. Natatakot na ako na baka ibang tao ang kaharap ko at ginagamit siya ng asawa ko para maisakatuparan ang masama niyang binabalak sa akin.
Kinabig ako ni PJ sa kanyang dibdib saka niya ako hinalikan sa ibabaw ng aking ulo. “Hindi ko alam kung anong nangyayari sa iyo, sweetheart. Kaya pakiusap, magsalita ka naman, Kinakabahan ako sa iyo. Naririnig mo ba ang t***k ng puso ko? Ang lakas-lakas, hindi ba? Natataranta na kasi ako. Hindi ko na alam kung anong gagawin ko. May mali ba akong nagawa? Sabihin mo sa akin para naman alam
