“BAKIT pala dito tayo kakain? Bawal daw bang kumain sa kuwarto?” nagtatakang tanong ko kay PJ nang nakaupo kaming magkaharap sa cottage. Hinihintay namin ang isi-serve na hapunan sa amin.
May mga ilang guests din kaming nakita na naroon sa cottage. Kumakin ang iba samantalang nagsu-swimming naman ang ilan.
Hindi na kami natuloy na mag-night swimming dahil napagod na kaming pareho ni PJ sa pamamasyal kanina. Nag-boating kami ng mahigit isang oras. Pagkatapos naglakad-lakad din kami sa gilid ng beach.
Nanghihinayang nga ako kasi hindi na kami nakabalik sa may Death Pool. Nabanggit kasi ni PJ na may kuweba raw malapit sa pool kung saan puwedeng mag-swimming. Gusto ko sanang puntahan iyon pero ayaw pumayag ng asawa ko. Delikado raw dahil bukod sa maalon na, baka makita na naman namin iyon
