PAGSASALIN
bandeha - tray
banyera - bathtub
❣︎ URSULA/2030 ❣︎
Isang linggo na ang lumipas simula nang tumira ako rito sa mansyon ng mga Natividad.
Hindi natuloy ang plano naming pumunta ng mall nang araw na iyon. Nakiusap akong nais ko munang mapag-isa at makapag-isip.
Pero ang totoo, nais ko lamang iproseso ang mga pangyayari simula noong araw na makilala ko sila—lalo na si Zeb.
Hindi naman ako galit sa kaniya. Lubusan lamang ang aking pagkabigla sa lahat nang mga nangyari. Isama pa ang nararamdaman kong hindi ko matiyak kung ano ang gustong iparating nito sa akin.
At isa na rin sa aking iniisip, ay kung bakit may larawan sila ni Ama. Sigurado akong si Ama iyon. Ngunit nakangiti siya sa larawan. Lagi lamang siyang nakasimangot at galit sa tuwing ako ang kaniyang kaharap. Kaya
