❣︎ URSULA/2030 ❣︎
Isang mapanuksong ngiti ang iginawad sa akin ni Zebe nang lumabas ako ng walk in closet. Kaniyang narinig ang lahat ng pinag-usapan namin ni Zeb.
"Alam mo bang hindi maganda ang nakikinig sa usapan ng iba, Zebe?" sabi ko sa kaniya na hindi siya nililingon.
"Asus! Nahiya pa!" panunukso niya sa akin.
Naramdaman kong uminit ang magkabila kong pisngi, "Ganoon pala magtapat ng nararamdaman sa panahong ito? Naninigaw?"
Isang malutong na tawa ang kaniyang isinagot sa akin bago nagsalita, "Hindi lang 'yon sanay. Ikaw ang unang babaeng sinabihan n'ya na liligawan."
"Wala pa siyang naging kasintahan?"
"Ah—eh, wala pa?" sagot niya na hindi pa sigurado.
"Tila yata hindi ka sigurado."
"Si-sigurado ako!" sabi niya at sinabayan pa ng isang pilit na ngiti, "Ahm, bukas isas
