CHAPTER 37
ARZIEL'S POV
"Oh? Bakit hindi ka pa bihis?" tanong ko kay Gideon habang naglalakad ako papunta sa sala. Nakaupo lang siya sa sofa, naka-boxers at loose shirt, abalang nanonood ng TV na parang wala siyang balak lumabas.
Napakunot ang noo niya. "Ha? Bihis saan? May ganap ba ngayon?" takang tanong niya habang hindi pa rin inaalis ang tingin sa TV.
Napabuntong hininga ako. "Birthday ni Lea ngayon, remember? Hindi ka ba pupunta?"
Tumigil siya sa pagpindot ng remote at saka lumingon sa’kin. Saglit niya akong tinitigan bago ngumiti, 'yung ngiting alam kong may halong panunukso. "Wala naman akong nakikitang importanteng dahilan para pumunta ro’n. Mas gusto ko pa rin dito. Kasama ka."
Bago pa ako makasagot, tumayo siya mula sa sofa, dahan-dahang lumapit sa likuran ko at niyakap ako
