“Nanginginig ang mga kamay, tuliro ang utak at hindi na malaman kung ano ang gagawin ko ng mga oras na ‘to. Lakad dito, lakad doon. Uupo, tatayo, sabay kakagatin ang daliri.
“Sino ang pumatay kay James? Si Miguri ba? O ang asawa ko?” Hindi ko na alam kung ilang beses ko ng naitanong ito sa sarili ko, parang sasabog na yata ang utak ko.
Bigal, napasinghap ako at natataranta na hinagilap ang aking cellphone. Naalala ko kasi ang simcard na ginagamit ko sa tuwing tatawag ako kay James. Nanlaki ang mga mata ko ng makita ko ang napakaraming tawag mula sa dalawang caller.
“So Stupid, Shirlie! Bakit ba hindi ko naisip na maaaring mabuksan ng mga pulis ang cellphone ni James!?” Kastigo ko sa aking sarili.
Sa lakas ng panginginig ng kamay ko ay halos nanginginig na rin ang cellphone na hawa
