البارت العاشر

2066 Words

سليم : كل البشمهندسين يجوا على مكتبى فورا علشان هنعرض ال project الجديد وناخد الاراء عنه السكرتيره : أوامرك يبشمهندس السكرتيره راحت وخبطت على مكتب ريم ريم : اتفضل وفى الوقت ده ريم كانت قاعده لسا على الكمبيوتر بتخلص فى الشغل السكرتيره : البشمهندس سليم عاوزك يبشمهندسه فى المكتب ريم بأستغرال : متعرفيش ليه ؟ السكرتيره : والله يبشمهندسه هو قالى ان فيه اجتماع وانا هبلغ دالوقتى باقى المهندسين ريم : تمام .. ريم بدءت تفنش الشغل الى معاها بسرعه بس الوقت سرقها والسكرتيره اتجهت على باقى مكاتب البشمهندسين وبلغتهم وكلهم راحوا وريم اتشغلت فى الشغل الى فى ايديها خالص فى المكتب سليم بيسألهم : كدا فى حد ناقص ؟ شيماء : ااه ريم سليم بص للسكرتيره وقالها سليم : بلغتيها ؟ السكرتيره : اه والله يبشمهندس بلغتها وفى اللحظه دى دخلت ريم ريم : معلش يبشمهندس على التأخير كان معايا بس شغل فى ايدى بخلصه سليم مرديش عليها وبدء يعرض المشروع على الداتا شو سليم : فى شرم الشيخ فى المنطقه دى بالتحديد وفى الموقع ده هيتم بناء مبنى ثم كموند وفى نص الكموبند هنعمل كبرى هيوصل الجانبين ببعض لأن هيبقا فى بين الجانبين بحر ايه رأيكم ؟ بدء بشمهندس شاب كدا يتكلم ويقول البشمهندس : الت**يم فريد من نوعه ومميز والفكره اول مره تتعمل فى مصر اصلاً وأختياركم للمكان كمان مُميز شيماء : والله دا بردوا رأيى يا بشمهندس وان شاء الله ال project ده هيلقى اهتمام كبير جداً بسبب تميزه احمد : وده بردوا نفس رأيى وانا سوفت الموقع بنفسى و ولا اروع من كدا فعلا يسليم كلهم اتكلموا وريم كانت ساكته وباصه على ال project ومش بتتكلم خالص وفى اللحظه دى شيماء بصيتلها وقالتلها شيماء : هاا يا ريم ؟ انتى اى رأيك يا بشمهندسه ريم بصيتلهم وقالتلهم بكل ثقه ريم : انا رأيى ان المشروع مُميز جدا وفكره فوق الخيال كمان لكن اختياركم للموقع غير موفق خالص لأن المنطقه دى من الميا بالذات منطقه فيضانات وفى فصل الشتا بالذات مستوى الميا بيرتفع جداً جداً يعنى مع اى تغير جوى بسيط جدا فى موج البحر الجسر هيقع وبكدا احنا بنكون بن*دد ارواح للأسف وفى الحاله دى الموضوع هيفشل بالكامل وهيسبب خطر كبير سليم فى اللحظه دى بقا واقف مصدوم وكلهم مصدومين من اجابتها العبقريه والى فعلا فريده من نوعها سليم بصيلها وقالها سليم : انتى عرفتى الكلام ده منين ؟ ريم : سر المهنه بقا يبشمهندس .. انا مش قولتلك قبل كدا ! شيماء بصيت لريم وقالتلها شيماء : لاء بجد عرفتى منين .. انا ساعه مروحت وشوفت الموقع فعلا كان الموج عالى جدا فى المنطقه دى بالذات .. انتى عرفتى منين من غير متروحى وتشوفى الموقع بنفسك ؟ ريم : احنا كان عندنا شاليه هناك وكنت بروح اقف فى المكان ده على البحر لانه كان مختلف وبيفصل بين قطعتين ارض ( يابس ) ولما روحت هناك اكتسفت ان الموج بيض*ب جامد اووى وبيعلى بشكل خطير كمان ولما سرشت على جوجل لقيت ان المكان ده بيحصل فيه زلزال وان الارض دى بتتعرض لزلازل بشكل مستمر فى فصل الشتاء احمد فى اللحظه دى سقفلها وراح قايل برافو وراح كل البشمهندسين الى كانوا قاعدين مسقفينلها وسليم كان واقف مُنبهر سليم : خلاص البشمهندسه ريم هى الى هتتولى المشروع ده بما إنها عارفه المكان ده كويس وانت يا احمد انت وشيما هتستلموا المشروع الى هى شغاله عليه حالياً بتاع البرج ريم بتهتهه : بس .. ولسا هتتكلم احمد : مفيش بس يا بشمهندسه .. ويالا عاوزين نشوف الأبداع ريم كانت عاوزه تقول ان الموضوع الى كان معاها كانت بدءت فيه خلاص وبعدين ال project الى هو عطاهولها دا ضخم جداً ومش هتقدر عليه لوحدها وبعدين الكل خرج من مكتب سليم واتبقيت ريم بس ريم : لو سمحت يبسمهندس سليم : اتفضلى ريم : ال project ده انا مش هقدر عليه لوحدى سليم وهو بيقلب فى الورق الى على مكتبه سليم : ليه يعنى انتى ادها ريم : ال project كبير اووى يا بشمهندس وانت عارف ده كويس وبجد الموضوع هيبقا صعب عليا لوحدى سليم رفع عينيه وبص فى عينيها وراح قايلها سليم : طيب اعملى حسابك انك هتنزلى معايا بكره شرم الشيخ علشان نبدء شغل فى الموقع الجديد ريم بصدمه شديده : نعم ! سليم : ايه عندك مشكله ؟ انتى مش طلبتى ان حد يساعدك انا هساعدك بنفسى فى المشروع ده ريم كانت فى اللحظه دى عاوز تنطق وتقوله ان باباها مش هيوافق خالص انها تقعد بره تبع الشغل فتره وكمان هتعمل ايه فى محمود ابن عمها الى طالعلها فى البخت ده كمان ريم بكل ثقه : مفيش مشكله يبسمهندس وراحت خارجه من مكتبه وهى هتموت نفسها من التفكير وبتحاول تطلع بحل وانها ازاى هتقنع باباها وابن عمها ريم راحت قعدت فى المكتب وهى عناله تض*ب كف على كف وتفكر هتعمل ايه علشان متخليش حد يبوظلها فرحتها اننا هتسافر مع سليم اول شخص قلبها يدق ليه وهتشتغل معاه فى ال project الصخم جداً ده وفى اللحظه دى حد خبط على باب مكتب ريم ريم : ادخل ودخلت فى اللحظه دى شيماء شيماء : اتفضلى يا ستى ريم بأستغراب : اتفضل اى ؟ شيماء : شوكولاته حلاوه ما اختى جابت مجموع كبير فى ثانويه عامه بدخلها كليه الطب وبقيت دكتوره خلاص ريم بابتسامه : الف مب**ك ليها يحبيبتى وربنا يوفقها فى حياتها ويوفقك انتى كمان شيماء : انتى عارفه يا ريم انا حساكى طيبه اووى والله وقلبك ابيض ريم بابتسامه : اشمعنا بقا ؟ مش ممكن اكون شريره ومُفتريه مثلا .. شيماء بضحك : علشان انا مبتخدعش فى الناس وعلشان انتى طيبه فعلا ريم : ممكن نقعد فى مكان بعد الشغل يا شيماء حاسه بحد انى ارتاحتلك وعاوزه اخد رأيك فى حاجه شيماء : دا ينهار ابيض والله موافقه طبعاً نتقابل فى المطعم الى قريب من الشركه ده بس تيجى هاا مش زى المره الى فاتت ريم : يا لهوى متفكرينيش والنبى بالمره الى فاتت دا انا خوفت اطلع بعدها مرتين فى الاسانسير شيماء : احيه مرتين طلعتى لحد هنا من على السلم ريم : اه والله مرتين شيماء : لا دا انتى حالتك صعبه .. بصى بعد منخلص شغل هحود عليكى فى مكتبك واخدك وننزل ريم بأبتسامه : تمام يحبيبتى هستناكى يقلبى شيماء طلعت من مكتب ريم وقفلت المكتب وراها وبعدين مشيت وراحت على مكتبها ولقيت باب المكتب بتاعها مفتوح فزقت الباب ودخلت لقيت تحمد جوا فأتخضيت احمد : انا اسف بس انا لقيت الباب مفتوح ففكرتك هنا انا لسا داخل اصلا شيماء وهى بتبلع ريقها بعد الخضه شيماء : ولا يهمك يا بشمهندس اتفضل اقعد ودخلت قعدت وبعد احمد مقعد على طول راح قايلها احمد : مش قولنا احمد ؟ شيماء بصيت فى الارض وقالتله شيماء : معلش نسيت .. ها اتفضل قول جيت ليه احمد : علشان نشتغل على ال project الى كان مع ريم بتاع البرج لأن سليم قالى انه مستعجل عليه وعاوزه فى اسرع وقت شيماء : بس انا مش هعرف اسهر النهارده للأسف احمد : ليه بس كدا ؟ شيماء : عندى معاد والله احمد : معاد اى دا .. معاد غرامى ؟ شيماء بضحك : اكيد لاء يعنى ما انت عارف انى مركزه فى شغلى وبس ومش بفكر فى الارتباط دالوقتى خالص احمد : ولا انا كمان بفكر فيه خالص دالوقتى وبعدين راح قايلها طيب نسهر بكره ان شاء الله هبعتلك الجزء الى هتشتغلى عليه على الإيميل شيماء بأبتسامه : تمام يا .. وجايه تقول بشمهندس راح باصيصلها راحت قايله بعد خمس ساعات سليم يا احمد اما سليم فكان قاعد فى مكتبه وجاتله مُكالمه من مروه مروه : اطلع بعد اد اى يسليم علشان اجيلك المطعم هو انت هتخلص شغل كمان اد اى ؟ سليم : هطله كمان نص ساعه كدا ان شاء الله طيب متخليكى عندك وانا اجى اجيبك مروه : لاء علشان المطعم قريب منك انت ومش منى فهمت بقا واصلا انا كدا ولا كدا هطلب اوبر سليم : خلاص تمام نتقابل ان شاء الله كمان نص ساعه مروه : عارف يسليم انت لو اتأخرت انا ممكن اعمل فيك ايه المره دى ؟ سليم : مش هتأخر ان شاء الله متخافيش مروه : لا دا انت الى تخاف على نفسك يا حبيبى وبعد ما النص ساعه عديت شيماء خرجت من مكتبها وراحت رايحه مخبطه على مكتب ريم وفاتحه وداخله شيماء : ايه ده انتى لسا مخلصتيش ؟ ريم : لا خلصت اهو خلاص متقلقيش شيماء : ايه ده انتى مأكلتيش الشوكولاته ولسا حطاها مكانها لا دا انا كدا ازعل واجيب ناس كمان تزعل ريم : اصل ولسا هتتكلم شيماء : لا ولا اصل ولا فصل يالا كلى الشوكولاته ريم مسكت الشوكولاتايه وبدءت تفتحها وبعد ما فتحتها راحت واخده مكعب شيماء : والله لتاكليها كلها انا حلفت ريم : يا بنتى حرام عليكى .. انا اصلا ضغطى شكله واطى بتحلفى ليه ! شيماء : مليش دعوه ادينى حلفت .. وقعى بقا حلفانى على الارض كدا ريم راحت بصالها وواكله بقيت الشوكولاته . وبعدين خرجوا هما الاتنين من مكتب ريم وطلعوا علشان يركبوا الاسانسير وكان فى نفس الوقت ده احمد وسليم رايحين يركبوا الأسانسير فالأسنسير وقف ودخلوا كلهم مع بعض شيماء وريم واحمد وسليم وبعدين ريم كانت خايفه ومسكت فى ايد شيماء واصلا قبلها كانت ريم بتقول لشيماء بلاش الاسانسير تعالى ننزل على السلم وشيماء فضلت تشجع فيها وتقولها دا الاسانسر مش هياخد ثوانى والموضوع يهل يبنتى متخافيش والنور مبيقطعش اصلا وسليم واحمد سمعوهم سليم لاحظ ان ريم كانت خايفه وكانت مغمضه وماسكه فى ايد شيماء جامد وراح قايل بصوت عالى سليم : متخافيش الى حصل قبل كدا استحاله يحصل تانى على فكره وأول سليم مقال كدا راح النور قاطع وفى اللحظه دى شيماء واحمد مقدروش يمسكوا نفسهم من كتر الضحك وريم بقيت واقفه هتعيط ولكن المولد اشتغل فى ساعتها على طول والاسانسير اشتغل احمد وهو بيحاول يكتم ضحكته بص لريم وراح قايلها احمد : مش سليم قالك سليم فضل واقف متدايق وبعدين الاسانسير فتح وكلهم خرجوا احمد راح علشان يركب عربيته وقبل ميركبها راح قايل لسليم احمد : الله يسهله يعم سليم : دا انت ادعيلى الا انا هفجرلها قنبله السفر النهارده احمد : لا معاك ربنا يمعلم دا انت الله يكون فى عونك النهارده يصاحبى وفى نفس الوقت ده شيماء كانت بتركب فى عربيه ريم وريم ركبت هى كمان العربيه وبدت تسوق شيماء : بسم الله ما شاء الله حلوه اووى عربيتك دى عامله كام دى علشان عاوزه اجيب واحده ريم : والله مش عارفه دا بابا هو الى كان جايبهالى هديه شيماء : ربنا يخليهولك وميحرمكيش منه ريم : يا رب يحبيبتى وبعدين وصلت ريم المطعم هى وشيماء واختاروا ترابيزه وقعدوا عليها وبعد مقعدوا على طول جه الجرسون وقالهم طلباتك يفندم شيماء بصيت لريم وراحت قيلالها شيماء : هتطلبى اى يا ريم .. هاا عاوزه تاكلى اى ريم بتعب وزهق : مليش نفس للاكل انا ممكن اشرب قهوه شيماء : هو ايه الى تشربى قهوه انتى مفطرتيش اصلا يالا اخلصى اطلبى ريم : هاتيلى زيك وخلاص شيماء : عاوزا اكله سمك مُحترمه وسلطات بقا واظبطلى الدنيا الجرسون : تمام يفندم اى اوامر تانيه ؟ شيماء : لا شكراً ليك وبعدين اول الجرسون ما مشى دخل سليم مع مروه خطيبته المطعم شيماء قرصت ريم بسرعه وراحت قيلالها شيماء : الحقى مين هنا البشمهندس سليم ريم بصيت بسرعه فى اللحظه دى وراحت سائله شيماء هى مين الى معاه دى شيماء : طيب خطيبته يا اختى .. سمعت انه بيحبها اووى وانها كمان ممشياه على العجين ميلغبطهوش وبعدين جه الجرسون وقالهم الترابيزه الى حجزت ها اهيه يا فندم والترابيزه كانت جنب ترابيزه شيماء وريم بالظبط بس سليم قعد ومأخدش باله خالص لأن مروه كانت عماله تكلم فيه وأول سليم مقعد مع مروه مروه : هاا هتاكل ايه يا حبيبى سليم : الى انتى عاوزاه يا حبيبتى مروه وهى ماسكه المنيو : اممم .. طيب ناكل اى متساعدنى شويا يا سليم نطلب كفته ؟ ولا نطلب فراخ انت عاوز ايه ! سليم : الى تحبيه يا حبيبتى وكان ماسك التليفون بتاعه وباصص فيه راحت مروه شاده من ايده التليفون بسرعه وقيلاله مروه : ركز معايا هنا وقولنا التليفونات م***عه وبعدين مره بتبص جنبها لقيت شيماء مروه بصيت لسليم وراحت قيلاله مروه : مش البنت دى بتشتغل عندك فى الشركه ؟ سليم بص كدا وشافها وبعدين راح قايل لمروه ااه مروه : اومال مين البنت الى قاعده معاها دى سليم : بشمهندسه بردوا بشتغل فى الشركه مروه بأستغراب : بس انا مشوفتش البنت دى قبل كدا يسليم سليم : اه ما دى البنت الجديده الى وقعت فى الأسانسير مروه حطيت ايديها فى جنبها بعصبيه وراحت قيلاله مروه : والله .. دى بقا البنت الى انت شيلتها ؟ سليم : اسمها ساعدتها علشان كانت بتموت مروه اتدايقت جدا فى اللحظه دى وخصوصا لأن ريم احلى منها ريم يصيت لشيماء وقالتلها ريم : انا مصدعه جداً .. حاسه دماغى هتتفرتك شيماء : لما تاكلى هتبقى كويسه ان شاء الله يالا احكيلى ريم : انا لو حكيت هعيط وانا مش عاوزه اعيط شيماء : بس متنسيش ان تحنا جايين هنا علشان تحكى وبعدين محدش مركز معانا اصلا يبنتى ريم : انا لازم اتجوز ابن عمى خلال اربع شهور #يتبع #سحر الحب #ساره محمد

Free reading for new users

Scan code to download app

App Store Google Play

Facebookexpand_more