سحر الحب

البارت التاسع

ريم قامت الصبح بسرعه لبست دريس شتوى وعليه الجاكيت وراحت نازله واول مجات تطلع علشان تركب العربيه سمعت صوت حد بيقولها بزعيق

انتى راايحه فين ؟

ريم اتديرت بسرعه لقيته محمود أبن عمها

ريم بتهته وخوف : امممم ازيك يا محمود عامل ايه يا ابن عمى عاش مين شافك

محمود : انتى بتردى السؤال بسؤال لييه ؟ انا دالوقتى بسألك وبقولك انتى رايحه فين

ريم بعد مبلعت ريقها : انا رايحه الشغل

محمود : الشغل .. شغل اى دا ان شاء الله

ريم عطيتله ضهرها بعد مقالتله بسرعه سلام بقا يا يونس ابقا اشوفك لما ارجع ان شاء الله علشان متأخرش على الشغل

محمود فى اللحظه دى مد خطوتين وراح ماسكها جامد من ايديها وقايلها

يونس : انتى مش هتروحى فى حته

ريم : ااه سيب ايدى يا محمود

محمود : لا مش هسيبها ويالا تعالى معايا

وراح شاددها جامد من ايديها ومدخلها وفضل ينده على بابا ريم لحد مجه

بابا ريم : فى ايه يا محمود

محمود : بنتك كانت خارجه ورايحه فين يا عمى

بابا ريم بصيله وسكت

محمود : مترد يا عمى عليا

بابا ريم وهو موطى وشه فى الارض : رايحه الشغل

محمود : وشغل ايه دا بقا ان شاء الله يا عمى وبعدين هى هتبقا مراتى قريب وانا معرفش انها بتشتغل

ازاى يعنى انا عاوز افهم

بابا ريم بصيله وسكت تانى

ريم بزعيق : سيب ايدى يا محمود

وبعدين انا قولت ميه مروه انى الجوازه دى لو حصلت هتبقا باطله لأنى مش موافقه

محمود وهو بيبص فى عينيها : متنسيش ان دى وصيه جدك الى هو فى نفس الوقت جدى وانها لازم تتنفذ ولا اى يا عمى ؟

وراح باصص لبابا ريم

ريم : يا بابا قول حاجه يا بابا .. يا بابا اتكلم يا بابا

يا بابا خليه يسيب ايدى

بابا ريم بردوا فصل سامعها وساكت

ريم بصيت لمحمود وهى بتعيط وراحت شاده ايديها من ايديه وباصه فى عينيه بتحدى وقيلاله

ريم : طيب طالما احنا لازم نحقق الوصيه دى واحنا قدامنا خمس شهور وبعدين نتجوز

فأنا هشتغل فى الخمس شهور دول وبعدين بقا لما ابقا مراتك ابقى مشى كلامك عليا .. ودا لو بقيت

وراحت ريم سايباهم وطالعه وهى بتعيط بعد مكانت فرحانه ركبت عربيتها وطول ما هى ماشيه فى الطريق مش قادره توقف عياط ومش عارفه تشوف الطريق كويس من العربيات لحد موقفت على جنب الشارع الى فى الطريق للشركه علشان تجمع نفسها وتبطل عياط وبعدين وقفت عربيه ونزل منها احمد وخبط على الازاز

احمد : انتى كويسه ؟

ريم وهى بتمسح دموعها بسرعه

ااه ااه كويسه يبشمهندس

احمد : فى اى

ريم : قولتلك كفيش حاجه يبشمهندس

احمد : طيب وقفتك فى الطريق كدا متنفعش .. الطريق ده سريع وانتى عارفه وممكن اى عربيه تخبطك

ريم : تمام انا هتحرك حالاً

احمد بصيلها لأخر مره وقالها

احمد : مش محتاجه مساعده طيب ؟

ريم : لاء يا بشمهندس

احمد : متأكده يا بشمهندسه ريم ؟

ريم : ااه متأكده يبشمهندس الف شكر لحضرتك

وفى اللحظه دى احمد رجع وركب عربيته واتحرك على الشركه وبعدين ريم اتحركت على الشركه واول حاجه عملتها اول مدخلت من باب الشركه ركبت الأسانسير وبعدين دخلت الحمام وغسلت وشها واول مدخلت عند المهندسين

شيماء صاحبتها : الف سلامه عليكى يا ريم

قلقتينى عليكى والله .. الحمدلله انك بخير

بشمهندس تانى : الف سلامه عليكى يبشمهندسه

مهندسه تانيه : كفاله الشر عليكى يا ريم

وبعدين جات السكرتيره وقالتلها

السكرتيره : و انتى عامله ايه دالوقتى يا بشمهندسه ريم ؟

ريم : انا تمام الحمدلله

الف شكر ليكم يا جماعه والله .. انا بخير متقلقوش

اما سليم فهو صحا متأخر ومش عارف هو مسمعش المنيه ازاى وقام جرى لبس هدومه وأخد مفاتيح العربيه وطلع جرى على الشركه وأول معدى من على مكتب ريم لقاه متوارب فدخل من غير ميخبط فلقاها قاعده بتخلص شغل على الاب توب

سليم : انا متأسف جدا .. مكنتش اعرف انك جبتى فعلشان كدا مخبطتش

ريم : ولا يهمك يبشمهندس محصلش حاجه

سليم : طيب ممكن بعد كدا تقفلى الباب

ريم : والله هو شكل الباب فيه مشكله لان السكرتيره وهى خارجه قفلته وراها بس هو اتفتح تانى

سليم فضل يبص فى الباب وبعدين راح قايل

سليم : الباب ده فيه مشكله فعلا بسبب الشتا والجو الساقعه وشكل الخشب زاد

ريم : طيب ايه الحل يا بشمهندس

سليم : الحل اكيد عند النجار .. كملى انتى شغلك ومتشغليش بالك انا هبعت اجيب نجار

ريم : تمام يبشمهندس

ومشى سليم ووهو داخل مكتبه نده على السكرتيره

والسكرتيره دخلتله بسرعه وقالتله

السكرتيره : نعم يبشمهندس

وفى اللحظه دى دخل احمد

سليم : ابعتى لنجار علشان فى باب هنا بايظ بسبب السقعه والشتا

احمد فطع كلامه وراح قايله

احمد : انهوا باب يا احمد ؟

سليم : بابا مكتب البشمهندسه ريم

اقعد اقعد انا عاوزك

السكرتيره : تمام يفندم وخرحت

احمد : يا نعم عاوزنى فى ايه ؟

سليم : عاوز اقولك انى بفكر اقدم معاد الفرح بتاعى

احمد بأستغراب : ليه كدا يا سليم

سليم : علشان اخلص من المشاكل الى بتحصل كل شويا دى لان طول ما مده الخطوبه هتطول

كمان عدد المشاكل هتكتر هى نسبه وتناسب كدا

فاهمنى ؟

احمد : والله يا سليم مش عارف بس على العموم دى حياتك الشخصيه وانت حر فيها

سليم : يعنى انا جايبك علشان تقولى الكلمتين دول الى انا عارفهم اصلا

فين الإفاده الى انا اخدتها منك .. بالله عليك فين الأستفاده

احمد : بص يا سليم انا هكلمك بصراحه علشان خاطر انت اخويا الى مجابتهوش امى

وفى اللحظه دى الباب خبط

سليم : ادخل

دخلت شيماء وهى معاها شوكلاتات كتير وراحت باصه لاحمد وسليم وقيلالهم

شيماء بأبتسامه وفرحه : اختى نجحت فى الثانويه وجابت مجموع يدخلها كليه الطب ودى الحلاه

اتفضل يبشمهندس وراحت عاطيه لسليم وابتسمت وأديت لاحمد شوكلاتات

احمد : الف مب**ك .. دكتور اللهم بارك والله

سليم : الف مب**ك ليها يبشمهندسه بالتوفيق

ااه صحيح انتم عملتم اى فى المشروع الى روحتوه امبارح ؟

شيماء : والله يبشمهندس الموقع انا شيفاه حلو اووى

احمد : وانا كمان الموقع شايفه كويس

سليم بصيلهم هما لاتنين وراح قايلهم

سليم : طيب والكوبرى ؟

شيماء : ت**يمه تحفه يا بشمهندس حقيقي تسلم ايد*ك

سليم : هااا وموقعه يا احمد ؟

احمد : موقعه كمان انا شايف انه حلو اووى

سليم اتصل على السكرتيره وقالها

السكرتيره : اتفضل يبشمهندس

سليم : كل البشمهندسين يجوا على مكتبى فورا علشان هنعرض ال project الجديد وناخد الاراء عنه

السكرتيره : أوامرك يبشمهندس

#يتبع

#سحر الحب

#ساره محمد