فا العصفوره فضلت فى الاوضه مش عارفه تطلع لان الستاره قافله على الشباك فا ريم قامت براحه و بعدين بصيت للعصفوره و قالتلها خوفتينى يا شيخه حرام عليكى
و بعدين راحت طالعه فاتحه الستاره و راحت العصفوره طالعه على طول .
ريم وقفت فى البلكونه وأخدت نفس و كانت ريم اول مره تشوف المنظر من فوق و كان المنظر حلو اوى كمان من فوق
حمدى : طيب القهوه جات اهى . . يالا دوق وقولى اى رأيك
ناتالى بتعمل القهوه قمر حقيقي . . انا بحب اشربها من ايديها اووى يعنى
ناتالى دى كانت الخدامه الفليبينيه
سليم : مش خايف من مراتك الا تسمعك وانت بتقول كدا ؟
حمدى يضحك : لا ما مراتى هى كمان بتحب تشربها من ايد ناتالى
سليم بص لى حمدى وفضل يضحك فى اللحظه دي
حمدى : انت هتتغدا معانا على فكره . . اعمل حسابك على كدا
سليم : اتغدا معاكم انت و مراتك ؟
حمدى : اه تتغدى معانا فى ايه ؟ ايه المشكله يعنى و بعدين دا انا مشوفتكش
