"Nanay! Tatay!" Niyakap ni Aymee ang kaniyang mga magulang pagkababa na pagkababa ng mga ito sa tricycle. "Kamusta na po kayo!" Magiliw niyang tanong nang kumalas siya mula sa yakap. "Nakuuu, na-miss ko po kayo!"
"Ayos lang naman, anak. Buti na lang at nakarating na kami rito. Hindi talaga ako sanay sa biyahe e." Natatawang sabi ng kaniyang ina.
Nagtulungan ang mga ito sa pagbaba ng mga dala-dalang bag na may lamang mga damit.
"Tita Aymee!"
"Potpot!" Sinalubong rin niya ng yakap ang pamangkin niya. "Lalo na itong bulinggit na ito. Missed na missed ko ito e."
"Na-miss din kita, Tita Ay." Malambing nitong wika.
Bumaba na rin mula sa tricycle ang Ate Madel niya pati na rin si Arnel. Ito ang kumakausap sa driver patungkol sa bayad sa pamasahe. Galing kasi sa ibang toda ang tricycle na iy
