Nang dumaan sila sa huling stop over, doon na nagising si Allie at kumain. Pinagalitan pa nga niya ito dahil sa mabilis at sunud-sunod nitong pagsubo ng pagkain. Giit nito ay gutom na gutom daw ito. Bumaba naman si Anjie mula sa at umihi. Malapit-lapit na sila sa babaan ng bus sa main road sa Barrio Barrameda. Di tulad ng unang stop over, mabilis lamang na nagsibalikan ang mga pasahero, kaya mabilis din na bumalik sa pag-andar ang bus. Nayakap niya nang mahigpit ang dala niyang bag. Nae-excite siya dahil kakaunting oras na lamang ay makikita na niya ang kaniyang pamilya.
Ilang oras pa nga ang lumipas. Nang tingnan niya ang oras sa suot niyang relo ay alas dos 'y media na ng hapon ang isinasaad iyon. Kasagsagan na ng init ng araw sa labas at pumapasok ang mga sinag niyon sa bus. Pero kahit
