"Bakit nandito ka pa sa labas? Malamig na ah? Saka hindi ka ba nilalamok?"
Napalingon si Aymee sa Ate Madel niya nang tumabi ito sa kaniya. Ipinatong nito ang isang mug na may lamang kape sa ibabaw ng kahoy na lamesa na nasa gitna ng kubo. Kasalukuyan kasi siyang nasa kubo sa labas ng kanilang bahay. At tama ito, malamig na roon, kaya naman makapal na jacket ang suot niya.
"Malamig, Ate. Pero hindi naman ako nilalamok," sagot niya at sumandal sa sandalang kawayan. Itinaas rin niya ang kaniyang mga tuhod at niyakap iyon.
Madilim na ang langit. Malalim-lalim na rin kasi ang gabi. Hindi siya makatulog, malamang ang naninibago ang kaniyang katawan dahil sa matagal na hindi pagkakauwi. Kaya naman napagdesisyunan niyang lumabas muna ng bahay upang magpahangin at magpaantok na rin. Balot ng ka
