MARIIN kong ipinikit ang aking mga mata habang nakatingin sa pintong nilabasan ni Delgado. Marahas din akong napahinga. Paano ko aamuin ang lalaking ‘yun. Lalo at iniisip nito na ang tingin ko sa kanya ay isang halimaw. Ang hirap namang kausapin noon.
Napahinga na lamang ako ng malalim. Hanggang sa nagpalit ako ng damit dahil balak kong lumabas ng kwarto na ito. Kailangan kong kausapin si Delgado lalo at babalik na ako bukas sa Isla Bughaw. Ayaw kong may galit ito sa akin kapag umalis ako rito sa White Zet Land.
Malalaki ang hakbang ko papalabas ng kwarto ng lalaki. Nasalubong ko rin sa hagdan ang isang tagasilbi upang alamin kung na saan si Delgado. Sinabi naman nitong nasa loob daw ng silid aklatan at kausap si Jus.
Nagdesisyon ako na mamaya ko na lang ito kakausapin kapag medyo ma
