"Mabuti na lang talaga Bea, dumating ka kanina. Dahil kung hindi ay baka nakanganga pa rin hanggang ngayon ang grupo." Ani ng kaibigan niyang si Ara habang nakaupo sila sa isang gilid at kumakain ng sandwich.
"Tignan mo nga yung mga lalaking 'yon, halos lumuwa na ang mga mata kakatitig sa'yo." Dagdag pa niyang sabi nang mapansin ang ilang kalalakihan na nakatitig sa dalaga.
"Pabayaan mo sila." Ang sabi na lang niya at syaka siya lumingon sa ibang direksyon.
"Nga pala, parang ngayon ko lang nakita ang mascot na 'yan. Kaninang umaga pa ba 'yan nandito? hindi ba siya naiinitan sa loob?" turo ni Ara sa panda bear mascot na hindi kalayuan sa kanila habang nagpapa-picture ito sa kaniya ang ilang mga studyante.
"Gusto mo rin bang magpa-picture tayo sa kaniya?" anyaya ni Bea sa kaibigan at nak
