"Sigurado ka ba sa ginagawa mo, Luna?" tanong sa akin ni Yuhan habang nakahiga sa kama ko at nakatingin sa akin habang ako ay nag-aayos ng mga gamit ko na dadalhin ko na pauwi ng Pilipinas.
Hindi ko nga lang alam kung bakit hindi pa siya nag-aayos, sila Recco siguradong nag-aayos na ng mga gamit nila dahil sasama na rin sila sa akin sa pag-uwi.
Si Yuhan, wala pa 'atang balak na umuwi ang batang 'to, mukhang nasisiyahan pa siya rito.
"Uuwi na ako ng Pilipinas, tapos na ang sadya ko rito," sagot ko bago ibagsak ang hawak kong maleta na gagamitin ko sa pag-uwi sa Pilipinas. "May dalawang araw pa naman ang ticket na binili natin kaya kung gusto mong mag-stay rito ay walang problema. Iiwan kita rito."
Pagkasabi ko no'n ay lumabas muna ako sa k'warto upang kunin ang pesteng hikaw na 'yon kil
