CHAPTER 7 : THE DECOY'S LAUGH
904 Words
Sa investigation room ay pilit na pinapaamin si Dr. Lazaro para ibunyag ang Iba pa nitong itinatagong lihim na planong pagpatay sa mga batang biktima.
"Detective Nugas, kung ako nga ang hinahanap ninyo, bakit ko ilalagay sa peligro ang aking misyon sa pamamagitan ng pagkuha kay Adrian? Alam kong susundan ninyo ang purple ribbon clue. Alam kong mahuhuli ninyo ako doon."
"Eh bakit mo ginaya ang modus operandi?" tanong ni Bhie, na mas kalma mo do.
"Kasi..." huminto si Dr. Lazaro, "gusto kong ipakita sa inyo na kayang-kaya kayong lokohin. At gusto kong patunayan na may mas malaking problema kaysa sa isang nag-iisang killer."
Biglang may kumatok sa pinto. Si Gideon, mukhang nag-aalala.
"Boss, may bagong missing person report. Si Justin Torres, siyam na taong gulang. Nawala kaninang 6:30 PM habang naglalaro sa labas ng kanilang bahay sa Mandaluyong."
Napatigil si Leumas. "Kaninang 6:30? Pero nandito tayo sa interrogation since 4:30..."
Tumingin si Dr. Lazaro ng may panglalait. "See? I'm not your killer. I'm just your first big mistake."
9:15 PM
SJS CDC Headquarters
"Leumas, tingnan mo 'to," tawag ni Bhie sa evidence board. "Iba ang pattern kay Justin. Hindi educational ang family background - street vendor ang tatay, laundry woman ang nanay. At... wala silang tablet o smartphone para ma-download ang MathMasters."
"Pero bakit siya target?" tanong ni Leumas.
"Dahil emotional neglect knows no social class," sagot ni Bhie. "Ang mga magulang ni Justin ay parehong trabahador - umalis ng 5 AM, uwi ng 9 PM. Walang time para sa bata."
Biglang dumating si Gideon mula sa tech room, mukhang nabigla.
"Boss, nakuha ko 'yung security footage malapit sa bahay ni Justin. May white van... pero iba ang plate number. At ang lalaking bumaba... iba itsura. Mas matangkad, mas bata."
Kumunot ang noo ni Leumas. "So may copycat? O... may original at decoy?"
10:30 PM
The Real Angel Maker's Lair - Unknown Location
Nakaupo ang lalaki sa harap ng kanyang computer monitor, nakikita ang lahat ng nangyayari sa SJS CDC headquarters sa pamamagitan ng hidden cameras.
"Magaling, Dr. Lazaro," bulong niya. "Salamat sa pagiging aking decoy. Ngayon, habang abala sila sa iyo, ako ay malayang makakapagpatuloy sa aking misyon."
Tiningnan niya ang larawan ni Justin. "Malapit ka nang maging malaya, anak. Hindi katulad ng mga nauna sa iyo, ikaw ay espesyal. Ikaw ang aking fifth angel - ang numero ng grace at transformation."
January 1, 2026 | 12:05 AM
Torres Residence, Mandaluyong
"Detective, hindi kayang gawin ni Justin 'yon!" iyak ni Aling Maria, ang ina ni Justin. "Mahiyain 'yang anak ko! Takot 'yan sa madilim! At... at wala kaming pambili ng ganoong klaseng sintas!"
Tama siya. Ang leather belt na ginamit sa mga naunang kaso ay mamahalin - sintas ng mga sapatos na nagkakahalaga ng libo-libo. Samantalang ang pamilya Torres ay nakatira sa isang maliit na apartment at ang mga suot ni Justin ay secondhand.
"Bhie, may something wrong dito," sabi ni Leumas. "Iba ang victim profile. Iba ang socioeconomic background. Pero... parehas ang motivation."
"Oo," sagot ni Bhie. "Emotional neglect pa rin ang common denominator. Pero... bakit ibahin ang target selection ngayon?"
2:15 AM
High-Tech Lab, SJS CDC
"Boss, nakakabilib 'to," sabi ni Gideon. "Yung MathMasters app... may hidden layer na ngayon. Parang... nag-evolve."
"Anong ibig mong sabihin?" tanong ni Leumas.
"Yung unang version ay nagmo-monitor lang ng academic performance. Ngayon, may emotional analysis na siya through camera access - sinusubaybayan ang facial expressions ng bata habang naglalaro."
"At..." dagdag ni Gideon, "may bagong feature - voice analysis. Kinokolekta niya ang tone ng boses ng magulang kapag kausap ang anak."
Naramdaman ni Leumas ang lamig sa kanyang puso. "So ang killer... hindi lang niya pinipili ang mga bata. Pinag-aaralan niya ang buong family dynamics?"
"Oo. At mas malala pa..." iniwan ni Gideon ang pinakamabigat, "may real-time data streaming siya. Meaning... nakikita niya ang lahat ng ginagawa natin dito sa headquarters."
4:00 AM
Safe House
Natutulog na si Leumas nang biglang mag-ring ang kanyang encrypted phone. Unknown number.
"Detective Nugas," boses ng isang lalaking kalmado at edukado, "maganda ang ginagawa ninyo kay Dr. Lazaro. Pero nasasayang lang ang oras ninyo."
"Sino ka?" singhal ni Leumas.
"Ako ang hinahanap ninyo. At naaawa ako kay Dr. Lazaro - isa siyang failed psychologist na naghahanap ng redemption sa maling paraan. Hindi ko siya katulad. Ako ay... tagapagligtas."
"Anong gusto mo?"
"Gusto kong makipaglaro. May pitong clue ang iiwan ko para sa inyo. Kapag nahulaan ninyo ang lahat, mahuli ninyo ako. Kapag hindi... magkakaroon ng pitong bagong anghel."
"Bakit mo ginagawa ito?"
"Kasi kailangan ng mundo ng isang malaking wake-up call, Detective. At tila... ako ang napili para gawin iyon."
Nag-disconnect ang call.
6:30 AM
The First Clue
Natagpuan ni Bhie ang unang clue sa email - isang encrypted file na nangangailangan ng password.
"Leumas, tingnan mo 'to," sabi ni Bhie. "May attached image -on isang larawan ng isang bata na nakangiti, nakatayo sa harap ng school gate. Pero... may nakasulat sa likod."
"Ang unang titik ay nasa pangalan ng unang anghel, ang huling titik ay nasa huling hininga."
"Miguelito Santos..." bulong ni Leumas. "M... S..."
"At 'last breath'?" tanong ni Bhie.
Biglang may naalala si Leumas. "Sa autopsy report ni Migs... may nakita silang maliit na papel sa bulsa niya. May nakasulat - 'S'."
"So M at S?" tanong ni Bhie.
"Hindi..." sagot ni Leumas, "kombinasyon. MS? SM? Or... password para ma-open ang file?"
Sinubukan ni Gideon. "Boss... MS ang password. Pero... may second layer.”
- Writer
