My Stepbrother Enzo

Chapter-3

"Exactly! At iyan ang gagawin natin, Bella," walang ekspresyong sagot ni Enzo sa kanya.

Napanganga siya habang nakatitig kay Enzo. Hindi makapaniwala na iyon ang isasagot nito sa kanya.

"Puma.... I... mean..." Hindi niya matuloy-tuloy ang sasabihin. Kinakabahan siya at hindi makapaniwala.

"What?" Taas-kilay na tanong nito. "Spit it out, Bella."

"Pumapayag kang pakasalan ako?" Nakuha niyang itanong sa kaba.

"Yes," mabilis na sagot nito. "I don't repeat myself."

Hindi siya agad nakakibo. Nakatitig lang siya rito. Wala siyang anumang nababasa sa mga mata nito.

"This is what Tito Franco wants. For us to get married, Bella. I will be your guardian. I will help you survive, and I will also help you pay off your debts," sagot nito.

Medyo nainis siya sa sinabi nitong ito ang tutulong sa kanya para mabuhay. Kaya naman niyang mabuhay mag-isa. Malayo nga lang sa dati niyang buhay.

"But, Enzo... we're talking about marriage here. You know what marriage is, right?" Alanganin niyang tanong.

"I know exactly what I'm getting into," malamig na sagot ni Enzo. "I am marrying you, Bella. You will be your father's payment for everything I will spend to settle his debts. If I don't agree to this, my conscience will kill me, knowing you'll end up sleeping on the streets."

Hindi siya nakakibo. Nagyuko siya ng ulo.

Siya man ay hindi pwedeng tumanggi. Kailangan niyang pumayag sa pagpapakasal kay Enzo. Dahil kung hindi, sa kalsada siya pupulutin. At wala siyang magagawa kung pinambayad na siya ng ama kay Enzo. Hindi biro ang halagang kailangang bayaran ng stepbrother niya para sa kanya. Sa bagay na iyon, magiging tikom ang bibig niya. Dahil wala siyang kakayahang bayaran ang mga iniwang utang ng ama.

"I will take care of all your father's debts, including the mortgaged house and lot," patuloy ni Enzo habang tahimik lang siya. "All you have to do is marry me and continue your studies. That's it."

Wala siyang masabi. Hindi siya makapag-isip nang tama. Nais man niyang tumanggi dahil napakabata pa niya para magpakasal ay hindi naman niya magawa. Dahil walang ibang makakatulong sa kanya ngayon kundi si Enzo.

Alam niyang ginawa ng Daddy niya ang kasulatang iyon dahil alam ng ama na si Enzo lang ang tanging makakatulong sa kanya pag dumating ang oras na mag-isa na lang siya. Isang mayamang negosyante si Enzo De Silva. Alam ng Daddy niya kung gaano kayaman ang binata. Hindi isang birong negosyante si Enzo.

Nakaramdam siya ng hiya para sa binata. Dahil tila naperwisyo pa niya ito. Hindi biro ang perang ilalabas nito para lang mabayaran lahat ng naiwang utang ng Daddy niya. Isama pa ang bahay at lupa nila. Tapos aalagaan pa siya nito. Magiging pabigat pa siya sa malayang buhay ni Enzo.

Napakagat-labi siya. Lalong niyuko ang ulo. Hindi magawang mag-angat ng tingin kay Enzo dahil hiyang-hiya siya rito. Ngunit wala siyang magagawa sa ngayon.

Alam niyang hindi siya gusto ni Enzo. Noon pa mang pumupunta ito sa bahay nila ay hindi na siya nito pinapansin. Pero ganoon pa man, tinupad nito ang hiling ng Daddy niya at handa itong tulungan siya. Wala siyang narinig na pagtutol mula rito. Agad itong sumang-ayon. Bagay na kinagulat din niya.

"Get ready. In a few days, we are getting married," sabi ni Enzo. "I'm flying abroad for an important business trip, and I might be gone for a while. Gusto kong maikasal na muna tayo bago ako umalis. So, my lawyer can settle everything that needs to be paid." Tumayo ito mula sa kinauupuan.

Nag-angat siya ng mukha at napatingin sa gwapong mukha ng binata.

Ang lalaking nasa harapan niya ngayon ay magiging asawa niya. Ang napakagwapong si Enzo De Silva ay magiging asawa niya ilang araw lang mula ngayon.

"Enzo...." mahinang tawag niya sa binata.

"Why?" Kalmadong tanong nito.

Nakatingin sila sa isa't isa. Ang mga mata nila ang tanging nag-uusap.

"Wala bang magagalit sa gagawin mo? I... mean... your... girlfriend?" Lakas-loob na tanong niya.

Ngumisi ito sa kanya bago sumagot. "I don't do relationships, Bella. I can get any woman I want without committing to one."

Napalunok siya. Kung sa bagay, sa gwapo at yaman ni Enzo, walang babaing tatanggi rito. Panigurado, sasama agad ang mga babae sa isang sulyap lang nito.

"How about you, Bella Ramos? Do you have a boyfriend?" Balik-tanong nito sa kanya.

Agad niyang iniling ang ulo. "No, I never had a boyfriend before," amin niya.

"As in never?" Paninigurado pa nito.

Nagyuko siya ng ulo. Hindi naman siguro nakakahiyang aminin na no boyfriend since birth pa siya kay Enzo. "Never. It just... Well..." Hindi niya alam kung paano sasabihin ang bagay na iyon nang hindi siya mapapahiya o magmumukhang pangit sa binata. "There were guys who courted me. I just... didn't like any of them," nanginginig na paliwanag niya.

Sumilay ang tabinging ngiti sa mga labi ni Enzo. Hindi siya sigurado kung pinagtatawanan siya nito sa hindi pa niya pagkakaroon ng nobyo sa edad niyang eighteen o ano.

"That's good. At least walang maghahabol." sagot nito sa kanya.

Tumango-tango siya. "Anyway, thank you. Thank you for doing this for me," seryosong pasasalamat niya.

Humakbang si Enzo palapit sa kinauupuan niya. Nakatingala naman siya sa gwapong mukha nito.

"Bella," tawag nito sa pangalan niya sa malalim na tinig.

Ewan niya pero nagtaasan ang mga balahibo niya sa batok at may kakaibang naramdaman sa simpleng pagtawag lang nito sa pangalan niya.

Hinawakan nito ang baba niya gamit ang dalawang daliri. Lalo niyang naramdaman ang pagtaas ng mga balahibo sa pagdampi lang ng mga daliri nito sa baba niya.

"I am a businessman, Bella. I don't spend money if I won't get anything in return," sabi nito.

Kumunot ang noo niya. "What do you mean?" Naguguluhang tanong niya.

"You'll find out after the wedding," sagot nito. At binitawan ang baba niya. "I have to go. I have things to take care of. And don't worry, I'll still be staying at VincElla Hotel until we're married," paliwanag nito. Saka tumalikod na sa kanya.

Nakasunod lang siya ng tingin rito. Hindi siya makakibo. Hindi niya alam ang sasabihin. Nanatili lang siyang nakatitig dito.

Tama ba ang nangyayari sa kanya ngayon? Magiging asawa niya si Enzo De Silva? Ang masungit niyang stepbrother?

Ang maging asawa ba ni Enzo De Silva ang magiging bagong buhay niya ngayon wala na ang Daddy niya?

Napakagat-labi siya. Parang hindi pa rin siya makapaniwala sa mga nangyayari. Kakamatay lang ng Daddy niya at ng Mama ni Enzo. Si Enzo, may ama pa at mga kapatid. At siya, wala na. Ang Daddy na lang niya ang natitira sa kanya at iniwan pa siya.

At heto nga, magiging asawa na siya ni Enzo De Silva. Magiging Mrs. Enzo De Silva siya ilang araw lang mula ngayon.