JAYDEE
Nalula ako sa ganda at ng bahay. Sa labas palang marami ng naggagandahang mga bulaklak. Para akong nasa paraiso dahil halos yata ng uri ng bulaklak ay narito.
Napakaaliwalas at malawak din ang loob ng bahay ng pumasok kami. Kahit ilang pamilya yata ang tumira sa bahay na ito dahil sa sobrang laki nito.
"You like it?" tanong niya.
Kinurot ko siya sa tagiliran na ikinangiwi niya.
"Binili mo ba 'tong bahay para sa atin, Lucas? Sana sinabi mo sa 'kin para alam ko rin," sabi ko sa kanya.
Nawala ang ngiti sa labi niya ng sinabi ko iyon. Nakaramdam naman ako ng pag-alala dahil tila nasaktan siya sa sinabi ko. Wala naman akong ibang ibig sabihin sa sinabi ko. Nagtatanong lang naman ako. Hindi ko intensyon na saktan siya.
"I'm sorry, akala ko magugustuhan mo," matamlay na turan
