VIA’s POV
Ang daming pagkain. Pinaghandaan talaga ni Manang Perla dahil alam niya ang pag-uwi ko. Akala ko si Lolo ang masosorpresa ko, pero hindi pala. Ako ang nagulat at nandito na siya. Dagdag pa na nandito rin sina Jovan.
Sumabay pa talaga sa pagdating namin. Nagkaroon pa ng kahati kami sa oras niya.
Nakaupo na kaming dalawa ni Kadax nang pumasok sila rito sa dining area. Magkasabay si Lolo Cirilo at Don Juancho. Pati si Jovan ay halos kasabay nila sa pagpasok.
Tumayo si Kadax nang paglapit ni Lolo sa kabisera.
“Maupo na kayo ng apo mo, kumpadre,” wika ni Lolo sa kaibigan at kay Jovan.
Si Kadax, nanatili pa rin nakatayo. Hindi man lang tinapunan ni Lolo ng pansin. Katapat namin si Jovan at ang lolo niya.
Tumingin ako kay Lolo. “Lo,” hinintay kong balingan niya ako ng paningi
