KADAX’s POV
Tuluyan kong niyakap si Via, paglabas ni Lolo Cirilo. Iyak nang iyak ang honey ko. Ako ang may kasalanan at hindi siya. Hindi na lamang siya nakatanggi sa akin.
Sa mga narinig ko, kahit hayagan ang pag-ayaw sa akin ni Lolo Cirilo, masaya pa rin ako dahil pilit akong ipinaglaban ng aking nobya. Hindi ko inaasahan na gagawin niya iyon.
“Hon, tahan ka na. Hindi tayo maghihiwalay. Papapuntahin ko agad sina Mommy at Daddy. Ilang oras lang, nandito na sila. Lalo na kapag sinabi ko ang tunay na nangyari.”
“Baka magalit din sila. Bigla mo na lang sasabihin na ikakasal ka na, o may nabuntis kang babae. Baka husgahan nila ako, hon. Itanan mo na lang kaya ako?” Panay ang tulo ng kaniyang luha. Kumuha ako ng tisyu sa mesa at pinunasan ang luha sa kaniyang mukha.
Kumuha na rin siya ng
